زبانحال حضرت ابالفضل(ع) در بالین حضرت علی اکبر (ع)
.
.
محمد رضا صادقی
.
.
قانلی پیکره تا گوزوم دوشوب قلبیمون باشی یاندی اکبریم
دی گوروم نولوبدی سنه عمو سر به سر بدن قاندی اکبریم
.
.
یادیمه بابام مرتضی دوشوب تا باشیندا باخدوم جراحته
اللری گوروم شل اولا عمو کیم سنی سالوبدور بو حالته
حق الیندن آلسین بالاسینی قویماسون قصاصون قیامته
باشیوه اولان ظلمیدن بوگون یر گوی اهلی حیراندی اکبریم
.
.
بو چول ایچره هانسی شقی گوروب دی گوروم بو ظلمی سنه روا
پیکرون ائله ، یرده پخش اولوب حشره تک تاپولماز علی دوا
یغماقا آتان قانلی نعشیوی توپراق اوسته پهن ایلیوب عبا
بو اوغولسوزون حالینه یانان اهل عرش رحماندی اکبریم
.
.
جسمیوه ائله ظلم اولوب علی کربلاده داغ داشلار آغلوری
باشیوه بولوبلر نه لر گلوب مخیم ایچره یولداشلار آغلوری
قطعه قطعه اولموش وجودیوه ذبح اولان بو گون باشلار آغلوری
عرصه قیامت علامتی ایمدیدن نمایاندی اکبریم
.
.
ممکن اولسا دور ال اله وئراخ دشمنون قولون باغلیاخ علی
دشت غمده بیر ولوله سالاخ قلب لشگری داغلیاخ علی
ممکن اولماسا آچ گوزون باری بو کمکسیزه آغلیاخ علی
حالینی بولن یوخ ولی گولن لشکرایچره عدواندی اکبریم
.
.
ممکن اولسا بیر دفعه آچ گوزون قانلی گوزلره من اولوم فدا
بیرده سسله لطفیله سن عمو من دیوم سنه اکبروم بلی ا
بیرده ممکن اولسا ایاقه دور قول بویون اولاخ بیر عمو بالا
اینجیسن ولی راضی اولمارام ، خواهش ائتماخ آساندی اکبریم
.
.
قارداشیم بالاسی دور آچ گوزون خیمه گهده گوزلور سنی آنان
توپراق اوسته یاتما بو حالیله دشمن ایچره یوخ حالیوه یانان
عارضه توکه گوز یاشین علی راضی اولما یالقیز قالان آتان
دور ایاقه بیر باخ بو بیکسون حالتی پریشاندی اکبریم
.
.
دور گئداخ علی خیمه گاهیده گور نجه آنان سینه داغلوری
اهل بیت پیغمبری یغوب باشینه او بیچاره آغلوری
وای اوغول دیلینده ، اورک قانین گوز یاشیله رخساره باغلوری
یاتما دور گئداخ گور او بینوا مخیم ایچره گریاندی اکبریم
.
.
خیمه گاهه نعشون آپارماقا نه منیم گلور نه آتان یوزی
ایستی قوملار اوسته یارالینی قویماق اولماز آخر سوزون دوزی
قورخورام ولی خیمه گاهیده دوشسه گر آناوین سنه گوزی
ئولدورر اوزون گورسه اوغلونون مه جمالی القاندی اکبریم
.
.
بو وظیفه دور من امامیمون سینیه گرکدور وورام داشین
قارداشی گرکدور چتین زمان آرخاسی دورا اولسا قارداشین
بیرده رسمیدور چون گرک آلا سینیه آنا اوغلونون باشین
اینجیسن حلال ائیله نعشوین حملینه بو عنواندی اکبریم
.
.
نئچه ایلدی “شیدا” یازور علی دفترونده مدح و ثنا بیزه
هرزمان ایشی مشگله دوشور یالوارور ائدور التجا بیزه
لطف اوزیله حل ایله مشکلون گوز تیکوبدور اول بینوا بیزه
گرچه روسیه دور ولی بیزه نوحه خوان و نالاندی اکبریم
.
.
#اکبریه #محمدرضاصادقی #اکبریه_شهادت #ترکی #زبدةالاشعار
نظر دهید