هر کیمون باشینده وار شوق ریاست گلمسون #خروج_مدینه_بیضا_اردبیلی

زبانحال امام حسین (ع) در خروج از مدینه
.
.
مرحوم بیضا اردبیلی
.
.
هر کیمون باشینده وار شوق ریاست گلمسون
بو سفردن یوخ بیزه غیر از شهادت گلمسون
.
.
بیر سفردور بو سفر لازم دگول لشگر منه
قرخادین باشی آچوق لازمدی رامشگر منه
قاسم و عباس و عون و فضلیله جعفر منه
اوزگه ایله یوخ ایشیم ایلر کفایت گلمسون
.
.
سالسا زاغان سیه گلزاره بانگ و غلغله
قویماز ائتسون بلبل بیچاره نی افغان و گله
ظلم الیلن باغلانار اهل و عیالیم قول قوله
خیمه و خرگاهیمی ایللَّه غارت گلمسون
.
.
روز ازّلده شهادت جامینی من ایچمیشم
یاریله اغیاریمی یوم السته سئچمیشم
باش و جاندان من ئوزوم جانان یولوندا کئچمیشم
باش و جانین ایسته سه هر کیم سلامت گلمسون
.
.
من سیزه بو غملی صحراده خبر وئرّم هنوز
اولمامیش بو سرزمین ده کینۀ اعدا بروز
باشیمی ایلر قفادن ذبح سو وئرمز سوسوز
شمر بی پروا ائدر بر پا قیامت گلمسون
.
.
قالماسون اخبار وئرّم من سیزه گیزلین مقال
یوخدی بو چولده نه عزّ و جاه نه ملک و مال
باغلیوب بار سفر اونلاری که ایلور خیال
ترک قیلسون وار خیالینده ندامت گلمسون
.
.
گیدورم من بو بیابان بلایه ئولمگه
هر کیمون یوخ میلی بو کرب و بلایه گلمگه
ایلرم خواهش منیم ایکی الیمی کسمگه
ساربان شرم ایلیوب چکسون خجالت گلمسون
.
.
حرمت مهمانینی چوخ یاخشی ساخلار حرمله
شیر خواره اوغلومون حلقینی اوخلار حرمله
مذهب و آیین قرآنی ایاخلار حرمله
خولی مطبخده قیلار مهمانه حرمت گلمسون
.
.
دولانور کرب و بلا دشتین پریشان و ملول
سویلیور کی اللرون کسمیش بیلکدن کیم اوغول
باشه چرپار غمدن او زهرای اطهر بتول
وای حسینیم وای دییر ایلر قیامت گلمسون
.
.
یاخشی « بیضا» یتدی پیمان باشه عمر اولدی تمام
کوچ ائدر دنیای دوندان آشکارا خاصّ و عام
الده چون اولسا اگر فرمان شاه تشنه کام
کیمسه یاتماز تپراقون آلتندا راحت گلمسون
.
.
#خروج_مدینه #بیضا_اردبیلی #ترکی #زبدةالاشعار