زبانحال حضرت رقیه (س) در خرابه شام
..
..
..
#سبک_ساخلا_ناقه_می و … ( 8 سبک سینه و زنجیر ) … گل اتاقی بیر خلوت ایلیاق … گئتمرم دایان گئتمه ساربان … نقش من چرا … و …
..
..
مرحوم حزین خسروشاهی
..
..
..
..
هر گیجه گونوز بو خرابه ده
باخما دیده گریانم عمّه جان
گوز یاشیله ویرانه ایتماقا
کاخ کفری عنوانم عمّه جان
..
..
..
..
ظاهراً اگر چه اسیر ائدوب
ظلمله گروه جفامنی
یاندورور شرار شمادته
بو خرابه ده اشقیا منی
باطناً بو بیر فخر دور ائدوب
مفتخر بو فخره خدا منی
شامده نمایندۀ حسین
فخر اهل ایمانم عمّه جان
..
..
..
..
صابرم طریق وفاده من
هر بلا گَله ائتمرم گِله
حقدی مقصدیم حق دین گرک
زنگ شِکوه نی قلبدن سیله
بو خرابه ده ئوللم ایلرم
حقی آشکار اهل باطله
عالم حقیقتده شوقله
دین حقه قربانم عمّه جان
..
..
..
..
گرچه نه آتام وار نه قارداشیم
اوچ یاشیندا غمدیده بیرقیزام
عصمت و حیا چرخنه ولی
گون کیمی ایشیقلی بیر اولدوزام
واردی قدرتیم آهمیله من
شوکتین یزیدین بوگون پوزام
بو مرامیله شام شومده
اشگی رشگ بارانم عمّه جان
..
..
..
..
شاهزادیم عشق ملکنون
عالم حقیقتده شاهیم
سنّیم آزدی اما بو سنّیله
بیر بؤیوک جنایت گواهیم
شامیده امیدسیزلره امید
هم پناهسیزلار پناهیم
لطف حقّدن اؤز آتام کیمی
خلقه باب احسانم عمّه جان
..
..
..
..
صبحه تک بهاری بولود کیمی
باخما دیده خونبارم آغلارام
بیله بیلمه فکر ایلورم اسیر
اولموشام گرفتارم آغلارام
قارداشیم ئولوب سینه داغلیم
یاسلیم عزادارم آغلارام
اکبرین پریشان خیالیم
اصغره نواخوانم عمّه جان
..
..
..
..
من گورنده بو شام قیزلارین
قلبیمی مصیبت اوخی دلور
خارجی دیورلر بولار منه
قلبیمه بوسوز چوخ گران گلور
گلسه اکبریم گورسه حالیمی
دردیمی دیسم قلب دینجلور
اکبرین فراقینده گور نجه
همچو شمع سوزانم عمّه جان
..
..
..
..
گون باتان زمانلار خرابه ده
منجنیق غم قلبیمی سیخار
گیزلین آغلارام خلق بولمسون
لیک دود آهیم گویه چیخار
بولموشم که بو گیزلین آغلاما
بیر گونی یزیدین ائوین ییخار
ییخماقا یزیدین ائوین اودور
گیزلین اشگ ریزانم عمّه جان
..
..
..
..
گوردوم ایندی رؤیاده عمّه جان
بو خرابه دولموشدی نوریله
رشگ جنّت اولموشدی منزلیم
منزلیمده کی حال و شوریله
حسرت فراقی بابام گلوب
زایل ایلمیشدی حضوریله
حیف اولا که تئز گیتدی باخمادی
فرقتینده نالانم عمّه جان
..
..
..
..
ظلم الیله توش اولموشام گوروب
مهربان آتانون فراقینه
ایستدی محبّتله بیر آلا
من بلا اسیرین قوجاقینه
بولمورم نه گوردی آلانمادی
باخمادی گویول اشتیاقینه
گیتدی دورمادی من او گیتماقا
خاطری پریشانم عمّه جان
..
..
..
..
من چوخ ایستدیم بولمسون بابام
آز زماندا غملر یوروب منی
گورمسون که یوللاردا شمر دون
بی جهت نقدری وروب منی
ممکن اولمادی گوردی گول کیمی
صرصر جفا سولدوروب منی
پوزدی حالینی حالیم آغلادی
من او حاله حیرانم عمّه جان
..
..
..
..
گوردی نیلی رخسار زردیمی
حالیمه یانوب آغلادی بابام
قمچی یرلرین گیزلدنمدیم
گوردی سینه سین داغلادی بابام
مرهم وصالیله آیریلیق
یاره سین عجب باغلادی بابام
ئولماقیم یقین اولدی آز زمان
من بو جمعه مهمانم عمّه جان
..
..
..
..
ای شهید راه شرف قیزی
شامه مدفنی مایۀ شرف
چرخ عفّت و عصمت اولدوزی
حرمت و حیائیله متّصف
بیر توجه ائت ائتمسون «حزین»
قبر پاکیوی گورماقا اسف
اوردا اؤز دیلونجه گلوب دئسون
من عزیز دورانم عمّه جان
..
..
..
..
#حضرت_رقیه #حزین_خسروشاهی #حضرت_رقیه_شهادت #ترکی #زبدةالاشعار
نظر دهید