در مدح حضرت امیرالمومنین (ع)
محمد رضا صادقی
همیشه حقّه عبادت بیر امر واجبدور
عبادت ایلمین شخص حقه غاصبدور
عبادتین یولی عالمده یوزدن آرتوقدور
ولیکن عابده آیری امور رائبدور(1)
بیری صلاتیدی تَرکی حرامیدور بشره
زکات و خُمْسَه ئوزی ذات حق راغبدور
جهاد و صومیدی ، نهیله ، امردور ، بیریسی
بیریسی حجیدی انسانه عشق جاذبدور
بیر آیری امری برائتدی کفریلن ظلمه
ولی نه وار بو تولّاده حق طالبدور
اجابت ایله بو جمعین دعاسینی یا رب
صحیفه دور،قلیم دور،منه مصاحبدور
عنایت اولسا بو خلوتده نظم اولار مطلب
روایتی که شیاطینه تیر ثاقبدور (2)
یازوبلا بیر جلسه ئیدی نبی حضورینده
علیدی بیرده ولا اهلی جمله قاطبدور
ورود ائدوب او یره «اِبنِ خیمْ بِنْ لامِس»(3)
«رجیمین» اوغلودی مِن فرقةٌ النواصبدور
آلوبدی اذن نبي دن ، دیوب منم ابلیس
کی چوخ وجوده وجودیم همیشه غالبدور
سوال اولوبدی بیزه ابتدای خلقتدن
بو کیمدی بولمه میشوخ بیزده بیر معایبدور
بیز ایستدوخ خطره آدمی سالاخ گلدی
قوتاردی نار بلادن دیدوخ مراقبدور
بو فکریلن کی وجودی ظهور ائدر بیر گون
رسولیدور او ابوالادمیله نائبدور
گورنمدوخ اثرین گلدی «شیث و سام »نبي
عذاب ائدنده نه گوردوخ گلوب مواظبدور
دئدوخ اولار بو کسین «شیثیدن» سورا اثری
گینه تاپولمادی گوردوخ وجودی غایبدور
سالندا نوح نبي نی عذابه طوفاندا
وجودی ظاهر اولوب صولتینده عاتبدور(4)
گلوبدی طوریده موسایه رهنما اولدی
مسیحه نیلمشوخ هر زماندا تاهبدور(5)
سالاندا یوسفی سجنه، عزیز مصر ،گلوب
اگرچه یونس ئوزی نادم القوازبدور(6)
وجوده گلدی رُسُل قورتاروبدی تک تکینی
دئدوخ بو ختم رسلدور قلوبه قالبدور
سنونده گلدی وجودین بو شخصی گورمه میشوخ
بو کیمدی رتبه والایه بیله صاحبدور
سوال اولوندی اگر ظاهر اولسا سن تانوسان؟
دییوب نعم،ده گوروم کیمسیَه اقاربدور ؟
اوتورموشیدی نبي محضرینده شخصاً علی
دییوبدی ایمدی باشون قوزاسان مناسبدور
اودم چکوبدی الون راس مرتضایه نبي
به عینه گوردولر هر کیمسه کی جوانبدور
دییوب اخی و وصیی و وارثیمدی منیم
اباالحسندی شجاعتده شیر غالبدور
قسیم ناریله جنتدی مرتضادور آدی
باخار عمللره محشرده چون محاسبدور
لقبده سید کونین و سید الابرار
امیر مومن و اولاد ابی طالبدور
منم بو کیمسه ،بودور منده ظاهر و باطن
عجب دگور بو ئوزی مظهر العجائبدور
نه قدر عمر واروندور علی آدین سسله
که «صادقی» بو عمل چوخ گوزل مناقبدور
ــــــــــــــــــــــــــــــــــــ
(1)رائب منعقد شده
(2)ثاقب روشن
(3)حام بن خیم بن لامس بن ابلیس از نوادگان ابلیس
(4)عاتب عتاب کننده ، خشمناک
(5)تاهب آماده ، مهیّا
(6)قوازب دریاها و خشکیها
#حیدریه_مدح #حیدریه_ماه_رمضان
#همیشه_حقه_عبادت_بیر_امر_واجبدور
#محمدرضاصادقی
#ترکی
نظر دهید