دنیا و علی (ع)
.
#زبدةالاشعار
.
: @nohe_torki
.
شاهی اردبیلی
.
وئروبدی هر کیمه بیر نعمتی سحر دنیا
آلوبدی آخشام الیندن ائدوب هدر دنیا
.
قیزیل کلامی اولان نطقی ضعفدن قورودوب
گوموش جمالی سارالدوب ائدوبدی زر دنیا
.
حیات مرکبی اوستن یره یخیلماقوى
دوشنده یاپراق آغاجدان وئروب خبر دنیا
.
آچان زماندا وفائیله بیر ایشین دوگونون
جفانی باشلاماقا باغلایوب کمر دنیا
.
بودور مرامی که مایل اولا باشون آشاقا
ایاقون آلتدا اگر سبز ائدوب گهر دنیا
.
بیر الده تاج دوتوب قویسا هر کیمین باشینا
ہیر النن اندیره جک بوینونا تبر دنیا
.
هایاندا سرو گوروب اگدی قامتین آخر
هایاندا لاله تاپوب ائتدی خونجگر دنیا
.
بوتون امیرلرین پوزدی هیبتین امّا
على صلابتینه ائتمدی اثر دنیا
.
او مقتدانین او مرآت غیب و لاهوتون
بیان اولاندا آدی ایندیده اسر دنیا
.
ثنا و ذکری اونون طاق عرشه وئردی تکان
حریف او ذکر و ثنایه اولار مگر دنیا
.
.
نماز شبده او مولی دوتان زماندا قنوت
سمایه لرزه دو شوب یاعلی دئدی ملکوت
.
.
علیدی ایلدى عُلیا مرام قرآنی
علیدی قیلدی عمارت بهشت عرفانی
.
علیدی پاره لدی حبل تک حُبل کوکونی
علیدی بیت خدادن قوپارتدی عزّانی
.
علیدی سجده ده آلنین قویاندا تپراقه
گتیردی لرزیه عرش عظیم و اعلانی
.
علیدی پارچالانان تارکی قیامته جن
ضمانت ائتدی هم اسلامی هم مسلمانی
.
گر اولماسیدی علی دین اولاردی خانه نشین
گر اولماسیدی علی اود بوروردی دنیانی
.
علیدی پارلادی یدّی سماده سیماسی
علیدی ایلدی سگیز بهشتی نورانی
.
علیدی عرصۀ زهدین خجسته مولاسی
علیدی عالم عشقین یگانه سلطانی
.
علیدی آلنینا خنجر دینده شکر ائلدی
او شکر حیرته سالدى خلیل و عیسانی
.
قسم خدایه خدای حکیم و حیّ و ودود
ولی امر جهان خلق ائدوب او مولانی
.
علیدی واقف سرّ مگو علی جانی
علیدی متّصل ذات هو على جانی
.
.
#حیدریه_شاهی_اردبیلی
#پندیات_حیدریه_مدح
#وئروبدی_هر_کیمه_بیر_نعمتی_سحر_دنیا
#ترکی
.
#زبدةالاشعار
.
: @nohe_torki
نظر دهید