واردور بو یولدا چون بولورم که رضای دوست #وداع_اسماعیل_زرین

وداع
زبانحال حضرت اباعبدالله علیه السلام

.
#زبدةالاشعار
.
: @nohe_torki
.
اسماعیل زرین
.
واردور بو یولدا چون بولورم که رضای دوست
صبر ائیلرم یتیشسه نقدری بلای دوست
.
هر نیست وهستیم اولسا بویولدا اگر فنا
هر نشئه دن لذیذ دی چون وار بقای دوست
.
چکدیم هامی علایق دنیادن ال بوگون
یتسون حصوله تا که هامی مدعای دوست
.
بودین ودیعه دور منه جدیم رسولیدن
چون تاپشوروب او عالم سرّ و خفای دوست
.
باش وئرماقیله حفظ ایلرم شرع احمدی
قربان حق اولام بودی مطلق بنای دوست
.
قارداش اوغول بو دین حقه ایلرم فدا
فخر ائیلرم اوزومده گر اولسام فدای دوست
.
مین دفعه دوغراسا منی گر دشمنان دین
عشقیله ایلرم گینه حمد و ثنای دوست
.
قتلیمده سعی ائدنلره یوخ ذرّه ای نجات
بی شرم رو جماعته یوخ اعتنای دوست
.
دنیا حیاتی عاریه دور یوخدی آخری
اما همیشه لیقدی او جنت سرای دوست
.
جدّیم شبیهی اکبریم اولموش فدای دین
شکر ائیلرم یتوب منه لطف و عطای دوست
.
دین اوسته وئرّم اولسا اگر مین لر اکبریم
اثبات عشق ایستر اولان آشنای دوست
.
بیر سود امر دیمیشدی ویرم ایلدیم ادا
اولسون الیمده تحفۀ بزم لقای دوست
.
هر قدر اولسا دلده گیدر غصّه و ملال
بیر دفعه جان قولاقنه یتسه صلای دوست
.
اوغلوم علی اصغر ئولن دمده قلبیمه
وئردی تسلی لطف محبت گرای دوست
.
زرین آقان حسین کیمی گور کیمدی دهرده
راه هداده اوز اوزون ائتسون فنای دوست
.
.
.
#وداع_اسماعیل_زرین
#حسینیه_وداع
#واردور_بو_یولدا_چون_بولورم_که_رضای_دوست
#ترکی
.
#زبدةالاشعار
.
: @nohe_torki