عنایت حضرت معصومه(س)
.
✍️ زبدة الاشعار ✍️
?: @nohe_torki
.
مرحوم غمکش
.
ای گل گلزار باغ آل اطهر الدخیل
دوت الیمدن دختر موسی بن جعفر الدخیل
.
ای اولان مونس ازل گوندن رضا قارداشینه
غرق اولان دریای محنتده ئوزی گوز یاشینه
ای گلن قارداش یولوندا مین بلالر باشینه
یادگار فاطمه دلبند حیدر الدخیل
.
شهر قمدا درگهون دارالشفادی آی خانم
لطفون عالمده سنون کنز حیادی آی خانم
میهمانون هر شب جمعه رضادی آی خانم
شیعه لر فریادینه دنیاده سسلر الدخیل
.
ملک ایراندا اولان آئینه زهرا نما
جمع عشّاقین ایدرسن حاجتین والله روا
کیم گلوبدی بو حرمده یالواروبدی بی ریا
دردینه ایتدون دوا صدّیقه مظهر الدخیل
.
وای او گوندن باغرووا باسدون برادر نامه سین
گورمدون یومدون گوزون سن مرویده هنگامه سین
قبلیه ساری دولاندون حسّ ائدوبسن ناله سین
سسلدون فریاده گل غملی برادر الدخیل
.
آغلورام گر چه سنه عمّون دوشوبدی یادیمه
سن جلالیله خانم قمدا ئولوبسن غم یئمه
نیلدی زینب ئوزون بولسون خانم یا فاطمه
دوندی سمت کربلایه زار و مضطر الدخیل
.
«غمکشه» ایله عنایت حضرت معصومه جان
ای گل باغ ارم ای عمّه صاحب زمان
افتخار شهر قم وار سینده درد نهان
دوت الیمدن دختر موسی بن جعفر الدخیل
.
.
.
#حضرت_معصومه_مدح
#ای_گل_گلزار_باغ_آل_اطهر_الدخیل
#غمکش
#یادگار_غمکش
#ترکی
.
✍️ #زبدةالاشعار ✍️
?: @nohe_torki
نظر دهید