راه شام
زبانحال حضرت سکینه علیهاسلام
.
✍️ #زبدةالاشعار ✍️
.
🆔: @nohe_torki
.
مرحوم غمناک تبریزی
.
قارداش نه وقته تک بس بو بینوا سکینه
دوشسون باشون دالیجه ایتسون نواسکینه
.
من سندن اوتری اولدوم آخرجلای مسکن
آیری دوشوب وطندن نه مسکن و نه مأمن
اولدوم سنون یولوندا بیله اسیر دشمن
دشمن ایچینده ایلر رشد و نما سکینه
.
قارداش گرک غمیمی عالم تمام بولسون
من آغلیوم باخانلار باخسون اوزمه گولسون
اولماز بو نوعی محنت ایکاش باجون اولسون
رسوای عالم اولسون اولماز رضا سکینه
.
خوشدور منه اگر چه هر محنت و غم اولسا
عشق اهلی باک ایتمز رسوای عالم اولسا
قانلی باشون منیله بیر لحظه همدم اولسا
بالله چکر نقدری اولسا بلا سکینه
.
دوندی کمتنه قدیم بیر باخ اوقاش الینده
دیوانه اولدوم آخر قارداش او باش الینده
اغیاره باخ دوروبدور یول اوسته داش الینده
اولموش نشان سنگ ظلم و جفا سکینه
.
قارداش نه دُورچرخ ونه گردش زَمَندور
زنجیره باخ قولومدا بوینومدا نه رَسَندور
گویا بلالی باجون بیر آهوی ختندور
دشمن کمنده ایلوب یوخسا خطا سکینه
.
آز دوتقون آی تک ایمدی ابر جداده گیزلن
یاندیم اماندی یاندیم گل نطقه بیرجه دل لن
اگ باشوی جدادن بو سینمه باشوم من
گورسون یوزون دویونجا بختی قرا سکینه
.
فکرایتمه شمرکافرسالموش منی کمنده
گوگلوم قوشی دوشوب پل زلفون تلینده بنده
رحم ایت منه اوزلفون گل برهم ایتمه سنده
برهم گوروب او زلفی چکسون صدا سکینه
.
هیهات من چکم اَل سن نه گمان ایدورسن
دیندیرموسن ندندور باغریمی قان ایدورسن
ناز اولسا بسدی قارداش یا امتحان ایدورسن
کشف ایت بو سری اولسون غمدن رها سکینه
.
آخر منی یتیمی بر ساربانه تاپشور
رحم ایلسون بو زاره شمروسَنانه تاپشور
چوخ ویرماسین بو باشه سن تازیانه تاپشور
بلکه بو درد سردن بیر قورتولا سکینه
.
نه بیر منی بو چولده راحت قویوب دورالّار
دلدن سالوبلا باجون بس یول گیدوب یورالّار
آغرور باشیم ز بسکه بو باشیمه ویروالّار
قورخور ایسق گوزونه گلسن قرا سکینه
.
قارداش اسیر و زارم چوخدورغم نهانیم
شمرون الیندن آخرقورتارموری بوجانیم
(غمناک) تک یتیشمزهیچ بیریره فغانیم
ای کاش اُولیدی ایمدی بو بی نوا سکینه
.
.
.
#راه_شام_غمناک_تبریزی
#قارداش_نه_وقته_تک_بس_بو_بینوا_سکینه
#ترکی
.
✍️ #زبدةالاشعار ✍️
.
🆔: @nohe_torki
نظر دهید