حالات امام حسین (ع) و گریز به وداع
..
..
مرحوم دخیل
..
..
وجودیمی بوریوب سربسر عزای حسین
بسیمدی بیر نفسیمده اولا رضای حسین
..
قلم یازاندا صریری حسین صداسی چکر
ئوزوم دینده سوزومده گلور ندای حسین
..
ایشیم همیشه اَو ابكادی یاتباکادی
سوزیمه شاهد و صادقدى من بكاى حسین
..
سوزوم دعادی یریم تحت قبه دور دائم
اولوبدی خاضعه گوی قبۀ علای حسین
..
گرک بو نعمته شکر ایلیم بحمدالله
ایدر دیلیم قلمیم حمدیله ثنای حسین
..
بویوردی چونکه خراساندا دعبله بوسوزی
رضا قضایه ویرن حضرت رضای حسین
..
گناه عفوینه سرمایۀ تشیّعدور
او شعرلر که اولا باعث بکای حسین
..
بیریسی آغلیه یا اغلادا بیر اوزگه سینی
اوز عُهده سینه چکوب اجرینی فدای حسین
..
بیریسی آغلاسا دشمن ایدن جفالرینه
گلر قیامته بیر دوست با صفای حسین
..
خلاصه آغلیه هر کیم بخشلنربی شک
اولار اونون بیری همسایۀ سرای حسین
..
بشرط آغلیه و اولمیه شریک عمل
او بی حیا که الیندن چخوب خطای حسین
..
حسینه آغلادا خلقی نه آغلادا خلقی
عملده دشمن حق دیلده آشنای حسین
..
حسینه ،آغلین آغلار، همیشه آغلاتماز
مدام رحمدی مظلومه مدّعای حسین
..
دعا لوازمینی اشگیله ایدر جاری
نجه که قانیله جاری اولار دعای حسین
..
دعاى صاحب قبّه او تحت خنجرده
اجابته یتشور شک سیز برای حسین
..
گوزون فداسی اولوم چون اولوب گوزون یاشی
قتیل عبره كلامینده خونبهای حسین
..
قباقجا زینبین احوالینی سالون یاده
وداع وقتی او زهرای کربلای حسین
..
دوروب قاباقدا ذلیلانه بوینی چیگنینده
آلوبدى دورت طرفین قوم اقربای حسین
..
ئوزی اوزوک قاشی لعل و عقیق گوزیاشی
توكَلَّه قرخایاخین رنگ کهربای حسین
..
حسین غملرینی دولدوروب گویول لرینه
مقام رحمدی اولاد باحیای حسین
..
که شور محشر اولور قورخوشوللا خلق الله
اگر بو عالمه بیردن یته هرای حسین
..
یوزون دوتاندا گویه سسلننده یا الله
گلردی دادینه بیمار نینوای حسین
..
عمامه الده دیردی اولور که اذنون اولا
بو ناتوان بدنی ایلیم فدای حسین
..
دونوب بقیعه دیین وقت یا رسول الله
گلوردی زینب معصومه مبتلای حسین
..
دیوب ایدوبدی وصیت آنام بوگونده اؤپم
بو حلقدن که ایدوب بوسه مصطفای حسین
..
ولی سوسوزدی بوغاز اوت یاغور دوداقیندن
اؤپنده دهری دوتار آتش بلای حسین
..
بویوردی حضرت کلثومه چون قزیشسام اگر
اودومی جانیوه آل چکمه سن صدای حسین
..
بو غصه عالمه تدریجیله گرک یتیشه
یواش یواش دوتا آفاقی ابتلای حسین
..
گهی گلوب غضبه سسلنردی یا حیدر
گلوردی نالیه که فاطمه نمای حسین
..
خمیده قدّیوه قربان بو بینوا كلثوم
یاتوبدی صاحبی گر یاتمیوب لوای حسین
..
اوجاتما ناله وی تیترتمه دوش عبّاسی
که چوخ غیوردی فرزند مرتضای حسین
..
دوراندا یوخ الى تكیه ایده دورار یخیلار
چکنده ناله ایدر ناله نینوای حسین
..
كمال لطفیله هل من معین صداسی چکوب
ایدوب بلند نوا نینواده نای حسین
..
آتوب ئوزین یره قونداقدن علی اصغر
قنادی باغلی قوشی چون دوتوب هوای حسین
..
دوباره قان لاری قربانلارین گلوب جوشه
که تازه دن بویانا قانیله منای حسین
..
ایدوب شهیدلرین روحی عزم استقبال
چخوب قباقه مزایای اصطفای حسین
..
تعددیله نشان ویردیلر بیراللّهی
که انبیای اولوالعزم اولیای حسین
..
یاتوب صداسی دخیلون شرار محنتدن
اورا دوشوبدی باتوب نالۀ دَرای حسین
..
گرک ایده حرکت خلق ایچینده شاهانه
عنای خاطر غمگینیله گدای حسین
..
..
..
#حسینیه #دخیل #وداع_دخیل #وداع #ترکی #زبدةالاشعار
نظر دهید