اوخلاندی اصغریم گل صاحب لوا ابوالفضل #اصغریه_محمدی_ناطق

شهادت حضرت علی اصغر(ع)
.
✍️ #زبدةالاشعار ✍️
.
🆔: @nohe_torki
.
محسن محمدی هشترودی ( ناطقی )
.
اوخلاندی اصغریم گل صاحب لوا ابوالفضل
امیّد آل حیدر درد آشنا ابوالفضل
.
.
سو ایستدیم بو طفله سو ویرمدی جماعت
لیکن بیزیلن ایتدی سفیانیان عداوت
اولدوم آتام نشانی ششماهه دن خجالت
یاندیردی قلب زاری تیر جفا ابوالفضل
.
.
سرچشمة امیدیم آرام جانیم عبّاس
گیتدی داخی الیمدن تاب و توانیم عبّاس
اوج ایلیور سمایه آه و فغانیم عبّاس
غیر از محن یوخومدور آیری رجا ابوالفضل
.
.
خیمه سراده گوزلور یول اصغرین آناسی
کسدی ره حیاتی حلقینده کی یاراسی
یوخدور دوتان الیمدن دینون اولان فداسی
ایلوب احاطه واضح درد و بلا ابوالفضل
.
.
گلمور گیدم ئوزومدن خیمه سرایه قارداش
اوخ ویردیلا الیمده دل سیز بالایه قارداش
ای کاش ئوزون باخیدون بو ماجرایه قارداش
قلبیم آلشدی غمدن ای با وفا ابوالفضل
.
.
فتیان مصطفانی سالدی بلا حصاره
بو دشت غم فزاده زینب دوشر فشاره
قولسوز وجودیلن سن گیتدون حضور یاره
نوبت منیمدی گللم سندن صورا ابوالفضل
.
.
هدیم قوتاردی قارداش بوشدور الیم بو چولده
غملر غم اوسته گلدی سیندی بئلیم بو چولده
هیهات بیرده سن سیز من دینجلیم بو چولده
بیر کس داخی یوخومدور الدن دوتا ابوالفضل
.
.
گلماخ دگلکه ممکن قوللاریوی سالوبلار
قولسوز وجوده قربان آراموی آلوبلار
گوز یولدا آل حیدر اخیامده قالوبلار
دشمنگوروبدی ظلمی حدسیز روا ابوالفضل
.
.
اولسون سلام “ ناطق “ محبوب دلنوازه
قائل اولوب او سرور اولده امتیازه
قویدی یئره بالانی تنها دوروب نمازه
شکرانة صلاته واردور جزا ابوالفضل
.
.
.
#اصغریه_محمدی_ناطق
#اصغریه_شهادت
#اوخلاندی_اصغریم_گل_صاحب_لوا_ابوالفضل
#ترکی
.
✍️ #زبدةالاشعار ✍️
.
🆔: @nohe_torki