شهادت حضرت ابا عبدالله الحسین (ع)
.
✍️ #زبدةالاشعار ✍️
.
🆔: @nohe_torki
.
مرحوم روفه گر
.
وصل جانان دان اوتور جان وئردی سلطان بلا
کربلاده اولدی اشرف ما سِوادن کربلا
.
.
قوردی بیر بزم مرتّب اول شه مالک رقاب
دوتدی ظلمت عالمی مستور اولوندی آفتاب
عرش و فرش و عالمی دولدوردی یکسر انقلاب
شاه مظلومان اولاندا ، شمر الینده مبتلا
.
.
آفتاب برج عصمت ظاهراً ائتدی کسوف
قطره قان یاغدیردی گویدن ابر پیکان و سیوف
هر بلا نازل اولاندا ، وردی اولدی یا رؤف
راضیم منّتدی جانه اَلبَلاءُ لِلوِلا
.
.
شه رخ گلگونیله مات اولدى محو اولدی وزیر
رَم یدی پیل اجل اولدی پیاده دستگیر
خانۀ حیرتده آتلی زینبی ائتدی اسیر
مین غم و دردیله تاپدی آل عصمت ابتلا
.
.
پردۂ غیبی گوتوردی حضرت پروردگار
تا بولونسون شوق عاشق ذوق دیدار نگار
اوخ قلج خنجر ، اولوب مدعو وصله بی شمار
چون ازل گون بزم مقصوده وئروب لفظ بلا
.
.
تاجینی باشدان گوتوردی حضرت روح الامین
عالمی وحشت دوتوب مملو اولوب روی زمین
سسلنوب جبریل گویلرده علی قتل الحسین
نه طبقدن یتدی فرشه سالدی آواز صلا
.
.
ایلرم قان لجّه سینده هر قدر فکر و خیال
قاتل و مقتول ما بینینده اولدی انفصال
خنجر شمرین دمی تاپدی عجب عین وصال
قان دوتوب آئینۀ حق تاپدی حق تک انجلا
.
گوشۀ چشمیله باخدی گوردی جانان طلعتی
وئردی ئوز موجود اولان جسمین آلوب حق وصلتی
قرمزی قاندان گیوب اوّل شهادت خلعتی
قالدی پیکر بیرده باش گچدی جدایه بر ملا
.
.
جام وصل آچمیشدی شوق یاریله مخموریدی
گلدی اوّل بیر صحیفه قانیله مسطوریدی
کلمۀ إِرجع على الدّنیا ولی مقدوریدی
ایستوسن دنیاده قالماق یا حسین؟ عرض ائتدی لا
.
.
پیکرین سانسیز یارایه پرده آماج ایلدی
قرمزی قان لخته سین ئوز باشینه تاج ایلدی
بیر جدا حدّی اوجالدی حقّه معراج ایلدی
قاب قوسین الهیده تاپوب قرب علا
.
.
نچّه ایلدور چاکرم حالیمدن آگه سن ئوزون
بیر نفردن شاکیم باخسون منه قانلی گوزون
انتقام ظالم و مظلوم گیزلتمه سوزون
نوکریّت رتبه سین بولسون «روفوگر» بر ملا
.
.
.
.
.
#حسینیه_روفه_گر
#حسینیه_شهادت
#وصل_جانان_دان_اوتور_جان_وئردی_سلطان_بلا
#فارسی
.
✍️ #زبدةالاشعار ✍️
.
🆔: @nohe_torki
نظر دهید