وقت اولوبدور باجی گیت عونملن فضلی چاقور #حسنیه_نادری

شهادت امام حسن (ع)
..
..
..
..
..
مرحوم نادری میانجی
..
..
..
..
..
وقت اولوبدور ؛ باجی گیت عونملن فضلی چاقور
مجتبا جان ویرور امداده ابالفضلی چاقور
..
..
..
..
..
دیگلن ای آقامون با ادب اوغلى ئولورم
شه دین حیدرین عالى نسب اوغلى ئولورم
جگریم یاندی علینون غضب اوغلى ئولورم
بنزیه ن قوللاری شمشاده ابالفضلی چاقور
..
..
..
..
..
ایسترم ماه جمالین دم آخرده گورم
دولاجاق قان گوزینه من اونی بسترده گورم
ئوره گیم ایستور اوزون قوللارینی بیرده گورم
وطنیم غربت اولوب داده ابالفضلی چاقور
..
..
..
..
..
حسنون تک دگول ؛ عباسّیوی دنیا چاغرار
سنّی ، یاشیعه ، یهودیله ، نصارا چاغرار
کربلاده اونی فریادینه لیلا چاغرار
سنده گل نالیه فریاده ابالفضلی چاقور
..
..
..
..
..
گیت اونا سویله حسن جان ویرورای میرعلم
ای سخاکانی اولان قولّاری سو اوسته قلم
گل گوروم ماه رخون قویماگلان حسرت ئولم
زهر تأثیر ایدوب اکباده ابالفضلی چاقور
..
..
..
..
..
قوردی تزویرله دشمن منه چوخ دام حیل
یتیشوب کامه ایدوب نقشه سین آخرده عمل
مجتبانی دئ شکار ایلدی صیّاد اجل
ویرمه چوخ فرصتی صیّاده ابالفضلی چاقور
..
..
..
..
..
بیرده زحمتدی باجی قاسمی بیدار ایده سن
دیه سن گل بابان ئولدی اونی هشیار ایده سن
ئوز دیلونجه بونی سن قاسمه اظهار ایده سن
اول یتیم اولماقا آماده ابالفضلی چاقور
..
..
..
..
..
دیگلن قاسمه سن ای گل گلشن ولدی
گور یتیم ایتدی سنی کینه لی دشمن ولدى
یاتما چوخ بستر ایّامده ایمن ولدی
دور گیدوب دادیوه شهزاده ابالفضلی چاقور
..
..
..
..
..
هر کیمون مشگله دوشسه ایشی عالمده اگر
گیدوب اوز دردینی سر کردۀ اسلامه دییر
سنده ای نادری هر وقتده یوز ویرسه خطر
هم بودنیاده؛ هم عقباده ، ابالفضلی چاقور
..
..
..
..
..