زبانحال حضرت رقیه (س)
.
✍️ #زبدةالاشعار ✍️
.
🆔: @nohe_torki
.
حسین ساکت خسروشاهی
.
.
.
ویرانه ده دوندی اورگیم قانه ای عمّه
آز قالدی که عمروم یته پایانه ای عمّه
.
.
قلبیم دارخور بو گجه بولمم نه خبر وار
وصلى بابامین یاده دوشوب دلده شرر وار
گر لطف ائلیوب یانیمه گلسه بو قدر وار
قربان ایدرم جانیمی جانانه ای عمّه
.
.
تا آتدی منیم داشیمی اکبر کیمی قارداش
اکبر غمی ایتدی منی اوزگه غمه یولداش
ایکاش گلیدی بو گئجه یانیمه ایکاش
بیر خلوت ایدئیدی گل و پروانه ای عمّه
.
.
روحوم قوشی علّت لری وار اکبریلندی
اکبر دئیرم هاردا اولا اصغریلندی
بلبل اورگی شام و سحر گللریلندی
دوتدوم قالا حسرتده گلستانه ای عمّه
.
.
من مرغ بهشتم وطنیم گلشن جنّت
زنداندی حقیقت منه دنیای موقّت
شمرین اوزی قاره نه حیا ایتدی نه رأفت
سالدی منی زندانیده زندانه ای عمّه
.
.
بیر گون منه ایل اولدی بو بیگانه یرینده
کس بولمدی دردیم نه دی ویرانه یرینده
توز تپراق اوتوردی تلیمه شانه برینده
ممکن اولا وور تللریمه شانه ای عمّه
.
.
اونداکی بابام ایتمیشیدی عزم شهادت
وئردی منی آغوشیوه تاپشوردی امانت
سن ایلمه دون حفظ امانتده خیانت
بو عین درایتدی نه افسانه ای عمّه
.
.
قوی جان وئرورم جاندان اوپوم همت الوندن
شرمندیم آخر ایکی با قدرت الوندن
عزّت ایاقوندان توکولور دولت الوندن
قربان بئله حیثیّت شایانه ای عمّه
.
.
آز سنّیله دنیا منی چوخ محنته سالدى
عزّتلی گونوم گیتدی دلیمده دادی قالدى
غم لشگری حمله گتوروب گویلومی آلدى
تن دردین آتوب گلدی جانیم جانه ای عمّه
.
.
نه ایشدی که عمروم قوتاروب غم باشا چاتماز
هر کیمده بو قدری اولا غم بیر گجه یاتماز
من غم لری آتسامدا اگر غم منی آتماز
غم لر اورگیم باشین ایدوب لانه ای عمّه
.
.
ایوای نه یانارلی اودومش ظلم اودی ایوای
یاندیردی یانان اودلارا یاخدی منی وای وای
چوخ ظلم أودونا واردی یانان یوخدی منه تای
دوشدوم یانار اودلاره یانا یانه ای عمّه
.
.
ای قبری اولان شامده شامات وقارى
ایسته گله «ساکت» گوره اول خردا مزاری
بو شعری دیوب اوردا ایده ناله و زاری
ویرانه ده دوندی اورگیم قانه ای عمّه
.
.
.
.
#حضرت_رقیه_حسین_ساکت
#حضرت_رقیه_شهادت
#ویرانه_ده_دوندی_اورگیم_قانه_ای_عمه
#ترکی
.
✍️ #زبدةالاشعار ✍️
.
🆔: @nohe_torki
نظر دهید