ویرانه گتدی منی ، چوخ آه و زاره بابا #حضرت_رقیه_هوشی_تبریزی

زبانحال حضرت رقیه (س)
.
زبدة الاشعار
.
: @nohe_torki
.
مرحوم غلامعلی باقری الهامی ( هوشی تبریزی)
.
#سبک_ای_آسمان_غمون
مشابه
پخش‌کننده صوت

.
ویرانه گتدی منی ، چوخ آه و زاره بابا
بو کنج غمده دوتوب ، جانیم شراره بابا
واگیر:
(فلک درده سالوبدی
سنی مندن آلوبدی
عمَّم چوخ قوجالوبدی
بابام ایوای)
.
.
.
آهیم جهانی یخار ، نالم سپهره چخار
حسرتله گوزدن آخار ، اشگیم عذاره بابا
.
.
بیمار عشقم اوزون ، باخ رنگ صورتیمه
حق لطف ایدوب یتوروب ، بیربیله ساعتیمه
نه یاخشی دمده بابا ، گلدون عیادتمه
بو نصف شبده منی ، آلدون کناره بابا
.
.
مدتدی حسرتیدیم ، دیداریوه بابا جان
تشریفیویله اولوب ، ویرانه رشگ جنان
آلدون اورک سوزومی ، ای شهریار جهان
اولدی وصالون عجب ، بو درده چاره بابا
.
.
ایام هجر منی ، ایتموشدی محو خیال
سینمدن ایتدون عجب ، آخرده رفع ملال
لطف ایله باری اوزون ، بو یرده قیدیمه قال
صون دمده هم نفس اول ، بو دلفکاره بابا
.
.
یوخ تاب شرح وبیان ، گلمش نلر باشیما
واضحدی باخسان اگر ، گوزده بو گوزیاشیما
چوخ حسرتم بولوسن ، شهزاده قارداشیما
گلموب ندن سنیله ، اول ماه پاره بابا
.
.
گلدون اورکده اولان ، آلدون بوغملریمی
معناده پاک ایلدون ، بو دیدۀ تریمی
اما گتورمه میسن ، شهزاده اصغریمی
سویله بس هاردا قالوب ، اول شیر خواره بابا
.
.
جورو جفا گتوروب ، بویرده جانه منی
هر تیر غم ایلیوب ، آخر نشانه منی
قویدی یتیمه عجب ، دور زمانه منی
گلمز جهاندایوزوم ، سنسیز دوباره بابا
.
.
گوردوم جداده باشون ، ایشاه عرش جلال
مین شوریله باشیمه ، دوشدی بو شوق وصال
قول باغلی دوشدوم اودور ، آردونجه سایه مثال
چکدی گتوردی منی ، بیله دیاره بابا
.
.
هر بیرگلن بو یره ، بسکه شماتت ایدر
هرلحظه باغریمی قان ، اهل عداوت ایدر
اُلسم اگر منه کیم ، بوردا حمایت ایدر
سنسیز بو زاری قویار ، گورکیم مزاره بابا
.
.
گرچه سنه بابا من ، بیرنازلی سویگلویم
آرام وصبر دلون ، باغ وفا گلویم
خار غمین بولوسن ، عالمده خوندلیم
حسرت قالوبدی گوزوم ، سنسیز بهاره بابا
.
.
گر چه بو خون دلی ، گوز یاشیما قاتارام
تپراقلار اوسته بابا ، شام و سحر یاتارام
گوزدن وصالیویله ، لیک عالمی آتارام
بو یرده من یترم ، وصل نگاره بابا
.
.
اولدم که اولدی باشون ، ظلمیله زیب جدا
سندن بو قوم منی ، حسرتله ائتدی جدا
بیرلحظه ویرموب امان ، بو زاره اهل جفا
دست ستمله قولوم ، باغلاندی تاره بابا
.
.
گرچه فراقیوی چوخ ، طول ودرازایلدون
بیر لطف لیک ایا ، شاه حجاز ایلدون
تشریفیویله منی ، چوخ سرفراز ایلدون
آخرده یتدیم عجب ، بیر افتخاره بابا
.
.
ای اسم پاکی اولان ، درد جهانه دوا
وی ذکری خاک شفا ، سلطان کربُ بلا
#هوشی گلوب قاپوا ، گوزیاشلی دلده نوا
بیر لطفیله نظر ایت ، بو اشگباره بابا
.
.
.
#حضرت_رقیه_شهادت
#ویرانه_گتدی_منی_چوخ_آه_و_زاره_بابا
#ترکی
.
#زبدةالاشعار
.
: @nohe_torki