ویردی رضا قضایه حسین بن فاطمه #خروج_مکه #صحاف_تبریزی

کوچ از مدینه به کعبه معظمه و از کعبه به طرف کربلا و کیفیت فداکاری سید الشهداء
.
#زبدةالاشعار
.
: @nohe_torki
.
مرحوم صحاف تبریزی
.
ویردی رضا قضایه حسین بن فاطمه
صبر ایتدی هر بلایه حسین بن فاطمه
.
اولموشدی پای بند بلا چون الستده
اوز ویردیگی بلایه حسین بن فاطمه
.
گوز یاشلی قبر فاطمه دن آیریلوب قویوب
یوز کعبۀ خدایه حسین بن فاطمه
.
اهل حرم باشندا جلال تمامله
یتدی حرمسرایه حسین بن فاطمه
.
احرامه داخل اولدی ولیکن یتورمدی
اعمالین انتهایه حسین بن فاطمه
.
گوردی توکولسه قانی اگر بیت حقّده
حرمت گیدر فنایه حسین بن فاطمه
.
قربان مناده کسمدی دوندردی نیّتین
قربانگه وفایه حسین بن فاطمه
.
احرام عشق کعبۀ مقصوده باغلیوب
سعی ایلدی صفایه حسین بن فاطمه
.
سالدی یاننجا کوی محبّت فدالرین
یوز قویدی کربلایه حسین بن فاطمه
.
قوندی ئولوم توزی یوزینه قویدی تاقدم
صحرای غمفزایه حسین بن فاطمه
.
اوز قتلینین ویروب خبرین بیر به بیر تمام
اولاد مرتضایه حسین بن فاطمه
.
تیره بلود کیمی آلوب اطرافین اهل شام
گون تک دوشوب خفایه حسین بن فاطمه
.
ایفای عهد باغلادی بیل اهتمامیله
یول آچدی مدّعایه حسین بن فاطمه
.
ایلردی اوز فدالرین اعزام بیر به بیر
چوخ شوقیله منایه حسین بن فاطمه
.
ویردی کومکلرین رهِ محبوبده دَمِ
شمشیر اشقیایه حسین بن فاطمه
.
گوردی گیدوب صحابه لری سالدی بیر نظر
مرآت مصطفایه حسین بن فاطمه
.
بولدی مرام اکبرینی نی کیمی او دم
دلدن گلوب نوایه حسین بن فاطمه
.
سالدى یولا دالنجا گوزی یاشلی یوز دوتوب
درگاه کبریایه حسین بن فاطمه
.
عرض ایلدی بو حاله اؤزون شاهد اول خدا
تسلیمدور قضایه حسین بن فاطمه
.
گئتدی بو اکبریمده قلجلار قباقینه
خوشدور بو ابتلایه حسین بن فاطمه
.
مین اوچ یوز ایلدی عالمی حیران قویوب تمام
بو غملو ماجرایه حسین بن فاطمه
.
«صحاف» حسینی ایله شفیع ایسته حاجتون
محبوبدور خدایه حسین بن فاطمه
.
.
.
.
#خروج_مکه #صحاف_تبریزی
#خروج_مدینه_ورود_کربلا
#ویردی_رضا_قضایه_حسین_بن_فاطمه
#ترکی
.
#زبدةالاشعار
.
: @nohe_torki