زبدةالاشعار

لیلا گورنده اکبرینون قانلی پیکرین #اکبریه_سعدی_زمان

زبانحال حضرت لیلا (س) در بالین حضرت علی اکبر (ع)
.
.
.
مرحوم حسینی سعدی زمان
.
.
لیلا گورنده اکبرینون قانلی پیکرین
اوخشاردی گوئیا بو قراریله اکبرین
.
توپراقلار اوسته یاتما بیله زخمدار اوغول
دور گور آنان نه نوع ایدر آه و زار اوغول
.
سنسیز منیم ایویم یخلوب عزّتیم گیدوب
دیجور تک اولوب گونوزوم تیره تار اوغول
.
دور و برونده عمّه لرون گورنه آغلاشور
آل رسوله محشر اولوب آشکار اوغول
.
آغلار باجون سکینه یانار وا اَخا دیَر
باخدوقجا قانلی نعشیوه زلفین یولار اوغول
.
قاندان دولوبدی نرگس مستون پیاله تک
گوردوقجه گوزلرون اولورام اشکبار اوغول
.
شبرنگ زلفوه دوزولوب قطره قطره قان
ایلر گوزوم بو زلفیوه مرجان نثار اوغول
.
لب تشنه سو یانندا سنی ایتدیلر شهید
اشکیم اودور آخور یوزه بی اختیار اوغول
.
بیر گُلستاندی نعشون آچوب قانلی یاره گُل
گلچین ایدوبدی گلشنیمی تار و مار اوغول
.
گُل برگی تک وجودون اولوبدور ورق ورق
هانسی گُلی بو حاله سالوب جور خار اوغول
.
سنبل کیمی گُل اوسته چاتوب باش باشا خدنگ
چوخ آغلادور منی بو چمن گُلعذار اوغول
.
جسمون بویاندی لاله کیمی قانه حشره تک
داغ فراق قویدی منی داغدار اوغول
.
قربان سنه اوزوم، نجه من صبر ایدوم دوزوم
قالموب گوگلده طاقت و صبر و قرار اوغول
.
هانسی شل اولموش اَل سنی سالدی بو حالته
قویدی منِ فلک زده نی دلفکار اوغول
.
نازیله یاتما گوزلریمون نوری آچ گوزون
لیلانی گور نه حاله سالوب روزگار اوغول
.
قول باغلی دستگیر گیدور شامه، سال یولا
یوخ سندن اوزگه کیمسه منه غمگسار اوغول
.
نوک جداده شامه گیدیر نازنین باشون
جسمون قوری یِر اوسته قالوب بی مزار اوغول
.
سن تک آنانین اُلسه جوان اوغلی حقّی وار
گوز یاشی توکسه عارضه لیل و نهار اوغول
.
دل آچمارام شکایته چون حق رضاسیدور
بیله سُووبدی حضرت پروردگار اوغول
.
سن حق فداسی سن، بو بیابان منای حق
حمد ایلرم بو باره ده من بی شمار اوغول
.
هاجر پیچاق یِرین گوروب اوغلوندا غشّ ایدوب
جاری سرشکین ایتدی چو ابر بهار اوغول
.
لیلایه باخ باخار یارالی نعشیوه سنون
روحی بدندن اولموری امّا کنار اوغول
.
آغلار سنه #حسینی ایدر ماتمون عزیز
دنیاده آخِرتده اونی قویماز خوار اوغول
.

متن پیشنهادی:  رمضان ماه عبادتدی ، عبادت ائلیون #مناجات #معروف_اهری

#اکبریه_شهادت
#کوچ_کربلا
#سعدی_زمان
#لیلا_گورنده_اکبرینون_قانلی_پیکرین
#توپراقلار_اوسته_یاتما_بیله_زخمدار_اوغول
#لمعات_حسینی ص 137
#ترکی
#زبدةالاشعار

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی