يوز وئروب یافاطمه عالمده نه غملر سنه #فاطمیه_دلریش

شهادت حضرت زهرا (س)
.
#زبدةالاشعار
.
: @nohe_torki
.
مرحوم #دلریش
.
يوز وئروب یافاطمه عالمده نه غملر سنه
ائتدیلر نه ظلم آیا زمرۂ کافر سنه
.
.
آشنا بیگانه اولدی بیر به بیر یان دوردیلار
ائتدیلر غصب خلافت قاپیوی یاندیردیلار
من نئجه تقریر ائدوم اعدا قولین سیندیردیلار
هئچ روادور بو ستم ای دخت پیغمبر سنه
.
.
آچدی جور و ظلم الين امت پیمبردن صورا
قویمادیلار عترتين راحت پیمبردن صورا
کیم چکوبدور سن کیمی محنت پیمبردن صورا
وار یری قان آغلاسون بو شیعه لر یکسر سنه
.
.
چونکه تأكیدیله تاپشوردی سنی فخر الانام
بير امانتدور بو مندن ایلیون چوخ احترام
یاخشی حرمت ائتدیلر اول فرقه بیننگ و نام
آرتوروبلار هر زمان غم اول ستمگرلر سنه
.
.
وورماسیدی تازیانه گر سنه ثاني يقين
ایلمزدیله جسارت کربلاده اهل کين
زینبين آلمازدی باشدان معجرین شمر لعین
بو جفا چوخ صعبیدور ای بانوی محشر سنه
.
.
بی وفا امّت اگر راحت سني قويمادیلار
قوللارون باغلانمادی زینب کیمی سویمادیلار
زینبه هر ظلم ائدوب اهل جفا دویمادیلار
بنزه مز درد و مصيبتده او بی یاور سنه
.
.
زینب آدی ذکر اولوندی گئتدی الدن اختيار
آه او وقتدن ایلدی قتلگهه زینب گذار
گوردی دوشمیش قارداشی صدپاره یرده خواروزار
عرض ائدوب نه ظلميدور قارداش ائدوب لشگر سنه
.
.
هانسی دردیمدن دیوم هانسی جفایه آغليوم
هانسی عضویندن اوپوم هانسی یاراوی باغليوم
تا حیاتیم وار گرک بو غمده سینه داغليوم
نه باشون وار نه قالوب سالم حسین پیکر سنه
.
.
خیمه لر یاندی اخا منده تالأنديم گلمیشم
يغماقا اطفالی چولدن چوخ دولاندیم گلمیشم
خوردا قیزلار اود دوتاندا منده یاندیم گلمیشم
گون کیمی واضحدى حالی زینب مضطر سنه
.
.
کاش ئولیدیم گورمیدیم جسم پاکون عور اولوب
غسلون ألقان قانلی تپراقلار سنه کافور اولوب
حنجرون منحور سینون ظلميله مكسور اولوب
قويميوب بیر پیرهن قالسون بو کافرلر سنه
.
.
آیۀ رحمت کیمی جسمون پر اوسته چاک چاک
گون کیمی باشون جداده جلوه گر ای نور پاک
بو مصیبت زینب غمدیده نی ایلر هلاک
خوابگه اولسا برادر روی خاکستر سنه
.
.
هر کیم ایستر اولماسون شرمنده روز جزا
حضرت خیرالنسایه صدقیله دوتسون عزا
غرق عصیانم سراپا یا ذبيحاً من قفا
گوز تیكوب حضاريله «دلریش» صف محشر سنه
.
.
#سبک_زینبم_جان_اوستیم … 4 سبک
.
#فاطمیه_شهادت
#يوز_وئروب_یافاطمه_عالمده_نه_غملر_سنه
#ترکی
.
#زبدةالاشعار
.
: @nohe_torki