حالات حضرت ابوالفضل (ع)
..
..
مرحوم معزی اردبیلی
..
..
یا فاطمه صاحب علم عبّاسیوه قربان
قوللاری سو اوسته قلم عبّاسیوه قربان
..
..
وقتیکه ویروب دشمن امان نامه شعارین
سلطانیمه عبدم دیدی گوستردی وقارین
قوللارین آچوب ئوپدی حسین چشم خمارین
عشقندن عجب وردى دم عبّاسیووه قربان
..
..
حیدر کیمی پور علی تل اوستونه چخدی
فرمانده هنگون اورگین هیبتی سیخدی
بیر ضربه ده میداندا وروب ماریدی یخدى
تکبیر وران دمبدم عبّاسیوه قربان
..
..
عنقا کیمی پر آچدی یتیشدى الى نهره
دولدوردی اوگون اؤجونی لعنت دیدی دهره
نهره سویی توکدی آپاروب نفسیده بهره
نفسی گوزل اهل کرم عبّاسیووه قربان
..
..
دشت غمه طوفان بلانون یولی دوشدی
خوش گلشنیوه ابر محندن دولی دوشدی
سردار حسینون بدنیندن قولی دوشدی
مستغرق بحر ألم عبّاسیوه قربان
..
..
اوخ دگدی نیستانیده مشگی پارالاندی
قیزلار یادینا دوشدی اورکدن یارالاندى
قانه دولانوب اشکی سوئی یرده جالاندی
شرمندۀ اهل حرم عبّاسیووه قربان
..
..
سالدی بدنین لنگره بیر دشمن عمودی
تپراقه دوشوب سجده سیاقینده وجودی
ساجدلری حیران ایلیوب حال سجودی
عشق عالمی ثابت قدم عبّاسیووه قربان
..
..
محکم ووریلان پایه اوزوکده قاشی ساخلار
انسانون الى اولسا خطردن باشی ساخلار
قارداشدی حمایتده گلر قارداشی ساخلار
باش یاره لی فکری بهم عبّاسووه قربان
..
..
آغوشه آلوب قانه بویانمیش یوزه باخدون
عرض ایلدی کیمسن سنه شیرین سوزه باخدون
ورمیشدى عدو اوخ یارالانمیش گوزه باخدون
سقّای حرم محترم عبّاسیووه قربان
..
..
قاندان ایکی زیبا گوزینه پرده چکیلدی
قارداشی حسین حالینی اخیامیده بیلدی
گلدی باشی اوسته گوزینون قانینی سیلدی
اولمیشدی حسین قدّی خم عبّاسیووه قربان
..
..
نه فکرینه اعدا آراسیندا قالان اولدی
نه گوگلینی قارداش باشی اوسته آلان اولدی
اطرافیده شام اهلی گولوب ال چالان اولدی
سرلشگر میر أمم عبّاسیووه قربان
..
..
سسلندی اباالفضله گیدک خیمه سرایه
قیزلار گلوب السّاعه فراقونده نوایه
شرمنده ام عرض ایتدی آقا گلدی صدایه
مأنوسی اولان آه و غم عبّاسیووه قربان
..
..
#عباسیه #معزی_اردبیلی #عباسیه_شهادت #ترکی #زبدةالاشعار
نظر دهید