چاتدی وصله شام هجران صبح آتشباریده #17ربیع_مصیبی_تبریزی

« مولودیۀ ماه ربیع »
.
.
محمد علی مصیبی تبریزی
.
چاتدی وصله شام هجران صبح آتشباریده
گلشنین یتدی بهاری هَجمۀ تاتاریده
.
بستۀ زنجیر زلف یار تا آچدی گوزون
چرخ ِ سرگردان دایاندی خط وصل یاریده
.
تشنۀ جام الَست اول نشئۀ قالوا بَلی
آچدی گوز دار فنایه ظلمت افکاریده
.
باغلیوب بازارینی تُجّار مه رویان دهر
آسمانی بیر متاع تا گورسنوب بازاریده
.
شمع رخساری منوّر ایلیوبدور عالمی
یاندی دل پروانه وار اول آتش سرشاریده
.
صبح صادقدن طلوع ایلوبدی خورشید منا
قویمیوب قالسون صلابت لیل شوم و تاریده
.
طُرّۀ گیسوسی مشکین ایلیوبدور عالمی
کاکِلِ زلفین آچاندا صحنۀ انظاریده
.
ایلیوب بیگانه لر حالین پریشان ، زلفی تک
قالدی امّا آشنالر سجده ده اذ کاریده
.
نقش وجه اللّهی چکدی نقد جان الواحینه
(( لا الهَ )) ذکرینی تفسیر ائدوب گفتاریده
.
آتشین هر غمزۀ فتّانی قلبه اود ووروب
خیمه گاهِ سینۀ عاشق یانوب اول ناریده
.
هفده ماه ربیعده صبح صادق دملری
ایلیوب احیا صولان هر بیر گولی گلزاریده
.
کلک زرخیز تعالی جوهر میثاقیلن
رسم ائدوبدور باصفا گوللر ، زمین خاریده
.
ایله گول کی عنبرآسا عطری آفاقی دوتوب
باغبانلار گورمیوب بیر بیله گول ادواریده
.
واله و مخمور اولار کیم آلساعطریندن اونون
وصفینه عاجز قلم ، حیران زبان گفتاریده
.
قدّ و قامت ، قامت شمشاد تک بس استوار
سیندیرار کفرین بئلین آخر، دیار یاریده
.
کیم وصال یار جامیندن اولوبدور جرعه نوش
قالمیوب قالماز ئولونجه سایۀ اغیاریده
.
جام وحدت باده سی حُبّ رسول اللّهیدور
عشق صادق قلبیده لازمدی بو پیکاریده
.
مرکز ثقل ولایت مصطفی نین عشقیدور
حُبّ صادقدور محاط اول نقطۀ پرگاریده
.
احمد مرسل اولوبدور باغبان باغ دین
اوغلی صادق حفظ ائدوبدور گلشنی تاتاریده
.
اسدیروب روحُ القُدُس دمدن او باغه مصطفی
فیض صادقدن بیتوب گوللر کنار خاریده
.
اشک چشم احمدیلن آبرو گلشن تاپوب
همّت صادق اونی حفظ ایلیوب رگباریده
.
بیر ریاض عشقدور هر بلبل آچسا بال وپر
بانگ توحیدی اوجالدار بیر گوزل هنجاریده
.
ای«مُصَیّب»گرالین بوشدور،یوزون قاره،ولی
ناامید اولما کی عزت واردی بو درباریده
.
.
#17ربیع
#چاتدی_وصله_شام_هجران_صبح_آتشباریده
#مصیبی_تبریزی
#ترکی
#زبدةالاشعار