دلا! چوخ اولما مکدّر ربیع الاوّل آییندا #سیدبشیرحسینی

وقایع ماه ربیع الاول
.
✍️ زبدة الاشعار ✍️
.
🆔: @nohe_torki
.
سید بشیر حسینی میانجی
.
دلا! چوخ اولما مکدّر ربیع الاوّل آییندا
مسرّت اولدی مقدّر ربیع الاوّل آییندا
.
سحر سحر صلوات عطرین آل، قیزیل گولی یاد ائت
فضانی ایله معطّر ربیع الاوّل آییندا
.
ترانه باشلاسا بلبل چمنده عیب ائلمه چوخ
آچیلدی گورمَلی گول‌لر ربیع الاوّل آییندا
.
محرّم و صفری یاس دوتانلارا اوزی زهرا
عنایت و کرم ایلر ربیع الاوّل آییندا
.
بو شاد اولانلار ایچینده آقام علی‌نین الینن
نه خوشدی پایلانا کوثر ربیع الاوّل آییندا
.
پیمبر حفظ اولا شردن گئجیله خوابگهینده
یاتوبدی شوقیله حیدر ربیع الاوّل آییندا
.
دیون گولون سیز ایا شیعه‌لر، جناب خدیجه
اولوب پیمبره همسر ربیع الاوّل آییندا
.
پیمبر اوز آنا یوردون اوتوردی، یثربه آخر
ائدوبدی هجرت او سروَر ربیع الاوّل آییندا
.
هایاندا واردی مسلمان گرَکدی شاد اولا چون کی
گلوب جهانه پیمبر ربیع الاوّل آییندا
.
امام جعفر صادقده عالمه گوز آچوبدور
ائدوب جهانی منوّر ربیع الاوّل آییندا
.
اگرچه غصّه‌لی اوقات وار بو آیدا ولیکن
سُرور اولوب بیزه محور ربیع الاوّل آییندا
.
واریدی بئش یاشی مهدی، آتاسی گئتدی الیندن
اولوبدی خلقه او، رهبر ربیع الاوّل آییندا
.
پیمبر امّتینی آغلادوبدی ثانیِ ملعون
ائدوب اورَک‌لری مضطر ربیع الاوّل آییندا
.
ووروبدی اود دَرِ دُرّ رسولی یاندیردی
بویاندی قانه او گوهر ربیع الاوّل آییندا
.
نه نوعی بیز اونوداق محسنون ئولن گونونی
اولوبدی گول کیمی پرپر ربیع الاوّل آییندا
.
اورَکده سیندی بشیرا قلمده بو سوزده
الونده آغلادی دفتر ربیع الاوّل آییندا
.
.
.
#ربیع
#دلا_چوخ_اولما_مکدر_ربیع_الاول_آییندا
#سیدبشیرحسینی
#ترکی
.
✍️ #زبدةالاشعار ✍️
.
🆔: @nohe_torki