زبدةالاشعار

ای گوز چوخ آغلا محنت موسی بن جعفره #کاظمیه_سعدی_زمان

حالات حضرت موسی بن جعفر (ع)
.
✍️ #زبدةالاشعار ✍️
.
🆔: @nohe_torki
.
مرحوم حسینی #سعدی_زمان
.
ای گوز چوخ آغلا محنت موسی بن جعفره
یان ای گوگل مصیبت موسی بن جعفره
.
چوخ ایستورم دیم که نه ظلم ائتدی سِند دون
زندان غریبی حضرت موسی بن جعفره
.
عذر ایلورم ولی آناسندان دینمورم
نولدی سبب شهادت موسی بن جعفره
.
گزلین خبرلری دئمورم قورخورام دیم
باعث اولا حقارت موسی بن جعفره
.
مشهور سوزلری بودی فکریم بیان ائدم
دلدن یانام اسارت موسی بن جعفره
.
دوشسه یولون بقیعه طرف ای صبا یلی
عرض ایله درج عصمت موسی بن جعفره
.
یا فاطمه عزیزیوی زنداندا قویما تک
گل ایله ناله ذلّت موسی بن جعفره
.
زنجیر ایاقلاریندا باشی سجده ده مدام
باخ شیوۀ عبادت موسی بن جعفره
.
ساقین ده جراحتی وار یوخدی بیر نفر
مرهم قویان جراحت موسی بن جعفره
.
هارون وسیله آختارور عذر ایستسون امام
وئرسون اجازه عودت موسی بن جعفره
.
گئتسون یانیندا قالسون اؤز اهل و عیالنون
یتسون نشاط عترت موسی بن جعفره
.
فرمایش ایلوری او گرک اعتذار ایده
باخ بر عُلُوّ همّت موسی بن جعفره
.
من نه گناه ایلمشم اعتذار ائدم
فکروز خطادی تهمت موسی بن جعفره
.
هر جرمدن جهاندا منزّهدی ساحتیم
یول یوخدی جرمه ساحت موسی بن جعفره
.
بو سهلدور که سند ووروب دینه پشت پا
قائل دگل امامت موسی بن جعفره
.
ای کاش امامی فرض ایده بر فرد مسلمین
جهد ائتمیه عداوت موسی بن جعفره
.
گور جرأتی هارا یتوروب بو ائوی خراب
اقدام ائدوب شماتت موسی بن جعفره
.
رخساری نیلی رنگیدی شرم ایلورم دیم
سیلی وروبلا صورت موسی بن جعفره
.
حبس ابد، اوزی قوجا، زندانی تار و تنگ
حیراندی عقل طاقت موسی بن جعفره
.
ناخوشدی گل اوزون باشینی آل دیز اوستونه
یوخدور گلن عیادت موسی بن جعفره
.
بو سهلدور عیادته بیر کیمسه گلموری
یوخ رحم ائدن نقاهت موسی بن جعفره
.
بیر عده تازیانه ووران دین ائوین یخوب
هر گون گلولّه خدمت موسی بن جعفره
.
یا فاطمه گوزوندن ایراق قمچی چوخ دگوب
اعضای با لطافت موسی بن جعفره
.
بیر بیله ظلمه کاش قناعت ایدیدیلر
هتک اولمییدی حرمت موسی بن جعفره
.
مسموم ائتمییدیله رحم ایلییدیلر
گوزده سرشک حسرت موسی بن جعفره
.
جان اوسته اولمادی چوورن قبلیه یوزین
یانّام ئولونجه غربت موسی بن جعفره
.
زنداندا ئولدی، عالم معناده قدسیان
یاندی ملال رحلت موسی بن جعفره
.
نه بیر نفر کفن گتورن اولدی، نه گلن
تشییع با جلالت موسی بن جعفره
.
دفن اولمادی جنازه سی اوچ گون حسین کیمی
باخ جدّینه شباهت موسی بن جعفره
.
دفن اولماماقدا اولدی حسینیله شرکتی
قربان اولوم شراکت موسی بن جعفره
.
بیر درد بی داویه «#حسینی» دچار اولوب
محتاجدور طبابت موسی بن جعفره
.
نه بیر نفر طبیب نه دکتر علاج ایدور
قالمیش علاجی حکمت موسی بن جعفره
.
عاجزلَدی معالجه دن اهل علم طب
ائتدی حواله قدرت موسی بن جعفره
.
باب الحوائج آدی گرک یا اولا عوض
یا قالمیا بو کلب خطاکارده مرض
.
.
#کاظمیه_شهادت
#ای_گوز_چوخ_آغلا_محنت_موسی_بن_جعفره
#کنزالحسینی2 ص 346 (کلیات ص 565 )
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  ای گوزوم نور ضیاسی گلمیشم آچ گوزلرون #اکبریه_عاصی_تبریزی

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی