نوحه توسل به حضرت عباس (ع)
.
#زبدةالاشعار
.
: @nohe_torki
.
مرحوم یحیوی اردبیلی
.
چاره ایسته دردیوه صاحب سخا عباسدن
گوز یاشون یاز عریضه آل دوا عباسدن
.
بیر آدی باب کرمدی بیر آدی باب المراد
غیرت و همت وجودینده ائدوبدی اتحاد
درک ائدر بو مطلبی هر کیمسه ده وار اعتقاد
گورسنوب هر دوره ده فضل و عطا عباسدن
.
.
همّتین شیر خدا عبّاسه تلقین ایلیوب
ظلمدن ائتسون رها مظلومی تضمین ایلیوب
اهلِ دینِ حقّی اوز دینینده تأمین ایلیوب
ثابت و محکم قالور دین خدا عباسدن
.
.
بیزده بیر جمعیتوک سلطان دینون بسته سی
فاطمه دلبندینون مظلوم حسینون بسته سی
شیعه لر امّیدی عباس علینون بسته سی
عالمه وار فخریمیز صاحب لوا عباسدن
.
.
.
دهه ی ماه عزا عطشان حسینه آغلاروق
زینبون قارداشینی ترکی دیلیله أوخشاروق
مدعی هر قدر تنقید ایلسه بیز باخماروق
ای حسینون خائنی ایله حیا عباسدن
.
.
شیعه لر بیجا دگیل سویلرلر عباس الدّخیل
باغلانوب زنجیره عرض ایلرلر عباس الدّخیل
اولماسا لطفون بولار نیلرلر عباس الدّخیل
صدق دل گورسنمیوب محروم اولا عباسدن
.
.
من دیوم نوحه سن آغلا ایسته دردون چاره سین
یاده سال آغلا علمدار حسینون یاره سین
ائتدیلر أوز قانینه آلوده مشگ پاره سین
أنتقام بدری آلدی اشقیا عباسدن
.
.
گوردیلر چیخدی نیستاندان او سردار حرم
مشگینی دوتمیش دیشینده سینه ده قانلو علم
باش یارا پیکر یارا سینه یارا قوللار قلم
اوخ اوخ أوستن سانجیلوب، قالمیش نما عباسدن
.
.
داد او ساعتدن نزول ائتدی آت اوستوندن یئره
مرکب بی صاحبون دوشدی لجامی اللره
یئندی ادرکنی صداسی خیمه گاه حیدره
گل سراغ آل رزمگهده یا أخا عباسدن
.
.
شیریوی یالقوزلیوب بو روبهان حیله کار
دردِ مشکل دور ائده روباهلر شیری شکار
قوللاریم دوشدی بو قومون دامینه اولدیم دچار
مشکیمه اوخ دگدی سلب أولدى قوا عباسدن
.
.
جد و جهد ائتدیم سوئی تحویل وئرم عطشانلارا
نیّتیم قلبیمده قویدی بو گروه اشقیا
خیمه گاهه گلمگیمدن ناامید اولدیم أخا
اخذ کام ائتدی بو گون اهل جفا عباسدن
.
.
ساحتوندن منصب سقّالوقی من آلمیشام
یوخ سویوم افسوس اولا ایندی خجالت قالمیشام
زورق جسمیم سینوب طوفاندا لنگر سالمیشام
اختیار و طاقتی آلمیش یارا عباسدن
.
.
مایلم چوخ گورمگه رخسارون ای میر حرم
گورمسم نور جمالون دشمنه باش وئرمرم
اخذ قیلسام فیض وصلون جانیمی بذل ایلرم
لطفیوی کم ائتمه ای شمس وفا عباسدن
.
.
حضرت صادق بویورمیش رهنمای معنوی
شاعران حق آلور هر بیته بیت اخروی
بیتلر یازمیش حسینون محنتینده «یحیوی»
یا حسیندن خلعتین آلسون و یا عباسدن
.
.
#عباسیه_مدح
#عباسیه_شهادت
#چاره_ایسته_دردیوه_صاحب_سخا_عباسدن
#اسرار_عاشورا_یحیوی
#ترکی
.
#زبدةالاشعار
.
: @nohe_torki
متن های پیشنهادی برای شما
عزا دوتانلار اولون مهیا گلورغم آیی محرم آیی #ورود_محرم_فتح_اللهی
ورود به ماه محرم . زبدة الاشعار ?: @nohe_torki فتح الهی . عزا دوتانلار اولون مهیا گلورغم آیی محرم آیی لباس ماتم گیون سراپا گلورغم آیی محرم آیی . . . حسینون عشقی اولان ئوركده گركدی خون ولا دورولسون بوتون لباس عزابیشتر
چوعلی به مسجدش شد به نماز صبح یزدان #حیدریه_عدلی_تبریزی
شهادت حضرت علی علیه السلام . #زبدةالاشعار . : @nohe_torki . اصغر فرشچی ( عدلی تبریزی) . چوعلی به مسجدش شد به نماز صبح یزدان بگشود پرکند طی چو مقام قرب انسان . به کمینش ابن ملجم قد علم نمود از کین بزندبه فرقبیشتر
یا علی عشقینده دوشدوم خانه دن میخانیه #حیدریه_مصیبی_تبریزی
مدح حضرت علی (ع) . . . محمد علی مصیبی تبریزی . . یا علی عشقینده دوشدوم خانه دن میخانیه شوق وصلین گویلومی مفتون ائدوب پیمانیه . عشقیوین پابندیم مدّتدی ای شاه زمن مادر گیتی سنون تک دوغمیوب بیر مَردِ فن رگلرینده خون ِ غیرتبیشتر
قارداش ئولومی قارداشین حالین کدر ایلر #حسینیه_علی_تیموری
تنها ماندن امام حسین (ع) در برابر لشگر . #زبدةالاشعار . : @nohe_torki . علی تیموری اردبیلی . قارداش ئولومی قارداشین حالین کدر ایلر قدّین خم ائدوب دهریده خونین جگر ایلر . . قارداش گوره تحقیرائلیور قارداشین اُوباشبیشتر
لطف خدای اکبر گلوب جهانه اصغر #اصغریه_عدلی_تبریزی
درتوّلدحضرت علی اصغر (ع) لالائی گفتن حضرت رباب (س) . . . . حاج اصغرفرشچی(عدلی تبریزی) . . #سبک_محرم_رازیم_الله . . لطف خدای اکبر گلوب جهانه اصغر غنچه گولوم گوزآچدی اولماقا دینه پرپر هنگ عشقه خردا جا سر باز اولانیم آلتیبیشتر
جدّۀ سادات جهان فاطمه دور فاطمه دور #فاطمیه_معزی_اردبیلی
در مقام زهرای مرضیه (س) . #زبدةالاشعار . : @nohe_torki . مرحوم معزی اردبیلی . جدّۀ سادات جهان فاطمه دور فاطمه دور فخر زنان زیب جنان فاطمه دور فاطمه دور . . کیم ایده قرآنی مرور فاطمه نی یاخشى تانور شأنینه خلاقبیشتر
نظر دهید