چون انبیانی دعوت بزم غم ائتدیلر #حسینیه_یحیوی_اردبیلی

اسرار شهادت حضرت حسین (ع)
..
..
..
مرحوم یحیوی اردبیلی
..
..
..
چون انبیانی دعوت بزم غم ائتدیلر
سرّ غمه او طایفه نی محرم ائتدیلر
..
لوح مقدّراتون حجابین گوتوردیلر
اوز ماجراسینه اولاری اعلم ائتدیلر
..
اوندان صورا آلوب هامودان مهر اعتراف
منشور عهدنامه لرین محکم ائتدیلر
..
تا اولیایه نوبت تکلیف غم یتوب
تکلیف بیر معامله ی اعظم ائتدیلر
..
فرمان صادر اولدی مقام عظیمدن
حاضر او بزم اقدسه بیر پرچم ائتدیلر
..
بیر پرچمی که نوریدی هم خط نوریله
شرح بلانی لوحه سینه منضم ائتدیلر
..
وار بیر نفر بو بیدقه حامل اولا بوگون
بو مدّعانی گوشزد عالم ائتدیلر
..
بیر کیمسه اولمادی بو بلایه دیسون بلی
مبهوت و مات قالدیلا حبس دم ائتدیلر
..
قویدی قدم قباقه حسین ابن فاطمه
قرب کریم حقده اونی اکرم ائتدیلر
..
جنّ و ملک وصی و نبیّان بو قصّه ده
لرزان اولوب تمامیسی پیچ و خم ائتدیلر
..
آلدى اله او بیدقی سلطان کربلا
معبودیله معاهده ی معظم ائتدیلر
..
کئچدی حسین رضائیله دار و نداردن
بیع و شری شرایطنی مرقم ائتدیلر
..
باطل چکیلدی شیعه لرینون گناهینه
الواح سیّئاتی پوزوب در هم ائتدیلر
..
کرب و بلا حکایتینی یازدیار تمام
شام و تنور و دیری اونا توأم ائتدیلر
..
تشنه بوغازینون قانی آخسون سو تک یره
گودال قتلگاهی او قانه یم ائتدیلر
..
دگسون یارا وجودینه تا حدّه گلمسون
گوز یاشلارین او یاره لره مرهم ائتدیلر
..
أبکوا کثیراً أمر اولونوب وَاضحکوا قلیل
پیغامدور بو واقعه دن اقدم ائتدیلر
..
آرتیرسون حق عذابینی آل امّیه نون
دنیانی غرق ناله و هم ّو غم ائتدیلر
..
چکدیله جار کوفه ده بی انتها قشون
اطرافدن قتال حسینه جم ائتدیلر
..
بش گون ریاست ائتمگه فانی جهانده
پیغمبرون أساسین اولار برهم ائتدیلر
..
ئولدوردیلر جوانلارینی آل هاشمون
رعنا قدینی زینب زارون خم ائتدیلر
..
سوندوردیلر چراغینی خاتون محشرون
هند اوغلینون قرا اورگین خرّم ائتدیلر
..
سالدیلا قاره باشینه زهرای اطهرون
قدسی لره بهشتی دل ماتم ائتدیلر
..
شوق دلیله قیلدی وفا عهدینه حسین
شأنی عظیمدی عَظَم الاَعظَم ائتدیلر
..
تا نطفه ی حمیده سی تخمیر اولان زمان
آب وفا خمیره سینه مدغم ائتدیلر
..
روز السته درگه شاه شهید ده
همواره «یحیوینی» سگ مُنعَم ائتدیلر
..
..
..
#حسینیه #یحیوی_اردبیلی #حسینیه_شهادت #عالم_ذر #عالم_ذر_یحیوی_اردبیلی #ترکی #زبدةالاشعار