چون حیّ ازل، عالم امکانی یاراتدی #زینبیه_محمدی_ناعم

مدح حضرت زینب (س)
.
زبدة الاشعار
.
: @nohe_torki
.
محمدی (ناعم)
.
چون حیّ ازل، عالم امکانی یاراتدی
خورشید و مه و انجم و دریانی یاراتدی
.
خلق ایلدی افلاکیله، اشجاریله، بَرّی
آب و گلیلن آدم و حوّانی یاراتدی
.
نسل بشری تا ائلسون حقه هدایت
نوحیله خلیلی، صورا موسانی یاراتدی
.
عفّتده وئروب مریمه عالی درجاتی
حق،قدرت الیلن، بلی عیسانی یاراتدی
.
تکمیل ائلیه جملۀ ادیانی جهاندا
خلاق ازل، حضرت طاهانی یاراتدی
.
طاهایه ده یار اولماقا دنیاده اوره کدن
پیرایه وئروب مکتبه، مولانی یاراتدی
.
تک قویمیاعالمده خدا تا که علینی
هم کفو اولا اول سروره، زهرانی یاراتدی
.
زهرایه وئروب پای حسنی، خالق رحمان
بوامته حجت، او دلآرانی یاراتدی
.
قان ایچره ویرا، کرب و بلاده علم عشق
مصداق وفا، شاه شهیدانی یاراتدی
.
پاینده قالا دینیله قرآنی جهاندا
خلاق جهان، زینب کبرانی یاراتدی
.

#زینبیه_مدح
#چون_حی_ازل_عالم_امکانی_یاراتدی
#محمدی_ناعم
#ترکی
.
#زبدةالاشعار
.
: @nohe_torki