چون داری دار گوردی او قوم یهوددن #خروج_مدینه_دخیل

خروج از مدینه
.
.
.
مرحوم #دخیل
.
چون داری دار گوردی او قوم یهوددن
لابد اولوب مسیح جهان میل دارِ ، دار
.
روح جهان مدینه ی اسلامدن چیخوب
خالی اولوب قوالب اموات تک دیار
.
امر ایتدی ساربان لارا تا بارکشلره
بیر بیر ائدوب محامل زرّین قبابی بار
.
حجّاب بارگاه حجابات غیب اولوب
پرده دالیندا پرده نشینان پرده دار
.
سیمین بَران چو انجم و اَقمار لامعه
محمل لر ایچره پرده لری سِتر زرنگار
.
افلاک تک یر اوسته گلوب سیر اُشتران
هودج لری شبیه بروج نجوم وار
.
خُدّام اهل بیت اولوب حاملان عرش
جبریل ساربان، سرافیل حمله دار
.
خورشید وار شعشعه ی نور احمدی
اولدی حسین چو انجم سیّار، سرقطار
.
هاله صفت آی اولدوزونون دوره سین آلوب
صف صف آت اوسته تازه جوانان گلعذار
.
هر بیر فرشته طینت و حوری وش عورته
مهریله دوتدی بیر مَلَکِ ماه رو مهار
.
گل غنچه سی نه نوعیله پیوند اولور گله
محمل آرا صِغاری قوجاقه آلوب کبار
.
اکبر سکینه باشینه چکدی عباسینی
تا قونماسون عذارینه هم زلفینه غبار
.
آی تک یوزونه دگمیه تا گون حرارتی
گیسوی مُشک بارین ایدوب ابر سایه دار
.
قورخاردی یوخلییب قوجاقندان دوشه یره
زلفیله غنچه سین ایلیوب بند شاخسار
.
.
#خروج_مدینه
#چون_داری_دار_گوردی_او_قوم_یهوددن
#ترکی
.
.