گلوب بقیعه خداحافظ ایلسین شه دین #سیدبشیرحسینی

خروج از مدینه
.
✍️زبدة الاشعار✍️
.
🆔: @nohe_torki
.
#سیدبشیرحسینی
.
گلوب بقیعه خداحافظ ایلسین شه دین
زبانحالیله عرض ایلدى امام حسین
.
مدینه‏ دن گئدروخ آى آنا خداحافظ
اولوبدى مقصدیمیز کربلا خداحافظ
.
بلالى دیر باشمیز اولمشوخ بلایه دچار
بیزى حصار ایلیوبدور بلا خداحافظ
.
گلوب وداع ائلیه با وفا ابوالفضلیم
که منتظردى اونا نینوا خداحافظ
.
حسینیوى فلک آیرى سالور مزاروندن
قالور سنیله ولى مجتبا خداحافظ
.
بهشت عطرى گلور قبریوون ترابیندن
بو عطره روحیم اولوب آشنا خداحافظ
.
اوزوملوق اولسا اگر، قبریوى قویوب گتمم
جدا ائدور منى سندن جفا خداحافظ
.
اگر چه من گئدورم گلمیم، قالور روحیم
بو یئرده حالیوه ائتسین نوا، خداحافظ
.
مدینه ‏نى سنه خاطر چوخ ایستورم امّا
یوخومدى چاره اوزوم مبتلا خداحافظ
.
اگر من ئولمگیله دین حق دیرى قالاجاق
بو جانى مکتبه قیلام فدا خداحافظ
.
الیم اوزولدى بابام احمدین جواریندن
گلر هایانه گئدم مصطفا خداحافظ
.
یولا سالور منى گوى اهلى یکسره آنا باخ
گلوبدى بدرقمه انبیاء خداحافظ
.
اوغول مسافرت ائتسه یولا سالار آناسى
ایاقه دور منى سن سال یولا خداحافظ
.
سنوب قابرقالارون راضى اولمارام دوراسان
فقط بیور منه بیر یول بالا، خداحافظ
.
دعا ائله منیم آردیمجا تا باتوم قانه
قبول اولار آنادان هر دعا خداحافظ
.
یقین واریمدى گلرسن منیم باشیم اوسته
دیر اودم که منه چوخ یارا خداحافظ
.
گئدور منیله بو گون قهرمان باجیم زینب
حاضرلاشوبدى اسیر اولماقا خداحافظ
.
بشیرى دعوت ائله قبریوه قوناق گلسین
گلوب گئدنده دئسین اى آنا خداحافظ
.
.
#خروج_مدینه
#گلوب_بقیعه_خداحافظ_ایلسین_شه_دین
#مدینه_دن_گئدروخ_آى_آنا_خداحافظ
#ترکی
.
✍️ #زبدةالاشعار ✍️
.
🆔: @nohe_torki