چون شامده ویرانه اولوب منزل زینب #خرابه_شام_راجی_تبریزی

خرابۀ شام
.
.
مرحوم راجی تبریزی
.
.
چون شامده ویرانه اولوب منزل زینب
سوزیله گلوب نی کیمی درد دل زینب
.
.
زینب آدی گلدوقجا دوتار عالمی غصّه
ظاهر اولی خلقه همی محنت همی غصه
یوخ زینبون آدیندا به غیر از غم و غصه
نخجیر اولونوب غصّه دن آب و گل زینب
.
.
زینب ایلدی عشق حسینی نه عجب فاش
گتدی او کسیک باشیله شامه کیمی بیر باش
گلموبدی بو دنیایه اونوعی باجی قارداش
زینب اونا مایلدی اودور مایل زینب
.
.
هر درد اولوب رسمدی تدریجیله درمان
هر مشکل اولور قاعدۀ صبرله آسان
وار زینب بیچاره ده امّا غم هجران
مشل گورونور حلّ اولا مشکل زینب
.
.
سالدی شهدانی اُسرا جمله خیاله
ویرانه ده یاتدی هاموسی دردو ملاله
باشلوب هره بیر گوشه ده بیر نوعله ناله
گویا که عزاخانه اولوب محفل زینب
.
.
یاتدی یوخودا گوردی باباسینی سکینه
دوردی دیدی ای عمه علاج ایت بو حزینه
ویردیله حسین باشنی چونکه او غمینه
تا گوردی دوشوب ناله دن اول بلبل زینب
.
.
اطرافینه جمع اولدی اونون آل پیمبر
آچدی باشی اوسته باشین اول زینب مضطر
سویلردی بیر انصاف اله ای شمر ستمگر
گل قولّارین آچ سولدی ستمله گل زینب
.
.
بیر مدّت او ویرانه اولوب زینبه منزل
کچدی غم و اندوهله هر ساعتی بیر ایل
آخرده گلوب یثربه امّا که نه حاصل
قارداشی حسیندن صورا گلمز دل زینب
.
.
بو زینبون احوالینه دائم ایله ناله
دوشدوقجه خرابه ستمی فکر و خیاله
بو غصّه سالوب راجیسینی درد و ملاله
بیر گوشۀ ویرانه اولا منزل زینب
.
.
.
#خرابه_شام #راجی_تبریزی #ترکی #زبدةالاشعار