اباالفضلین سال کرمین یادوا #عباسیه_معزی_اردبیلی

توسل و مدح و میلادیه حضرت ابوالفضل (ع)
بیاتی لار
.
.
#سبک_امید_و_سقای_حرم_اباالفضل
.
.
مرحوم معزی اردبیلی
.
.
اباالفضلین سال کرمین یادوا
چاغیر گلسین کربلادن دادوا
مشکلوم وار آچلماقین ایستورم
قربان اولوم دینن گوزل آدیوا
.
.
اباالفضلی تانور اصیل اولانلار
قابوسونا گلوب دخیل اولانلار
سسلینده اورکدن یا اباالفضل
شفاسنی آلوب علیل اولانلار
.
.
خوشلامشام صاف اوره گین آقامون
بوشلامارام من اتگین آقامون
کج باخساکیم آقاما-کج باخارام
ایترمرم دوز چوره گین آقامون
.
.
مدینه ده سحرچاغی دوغولدی
حسدینون چوخین یوزی بوغولدی
قوجاقینه آلان ئوپوب یوزیندن
ساخلادیدی الله گوزل اوغولدی
.
.
اباالفضلی حسین آلوب قوجاقا
دوداقینی قویوب غنچه دوداقا
بشگینه سالوردیلار سسلدی
آپارمیون قارداشیمی اوزاقا
.
.
اباالفضلین وفاسیندان نه دیوم
حیاسندان،صفاسندان نه دیوم
حسین یولونداگچدی قوللاریندان
دشمن وران یاراسندان نه دیدم
.
.
اباالفضلین دوره سینده قالدیلار
اللرینه نیزه، قلنج آلدیلار
فراتیدن قیدندن ناگهان
حیدر اوپن قولارینی سالدیلار
.
.
#عباسیه_مدح
#عباسیه_میلادیه
#اباالفضلین_سال_کرمین_یادوا
#معزی_اردبیلی #عباسیه
#ترکی
#زبدةالاشعار