چون قویدی آل هاشمه گردون بنای شور و شر #پیامبراسلام_لعلی_تبریزی

شهادت حضرت رسول اکرم (ص)
.
#زبدةالاشعار
.
: @nohe_torki
.
مرحوم لعلی تبریزی
.
چون قویدی آل هاشمه
گردون بنای شور و شر
وقت اولدی بو غمخانه دن
رحلت قیلا خیرالبشر
.
.
چون یتدی وقت رحلتی
بیله بیوردی امتی
اَودَعتُ – فیکُم عترتی
أَوصَیتُ هذَا المُختَصَر
.
.
.
مو قدری سیزدن نارضا
قویمون اولا آلعبا
حرمت ایدون مندن صورا
بو اهلبیته سربسر
.
.
پس یوز دوتوب باشور و شین
سویلوب حسن ای نور عین
وی پور مظلومیم حسین
جدّوز بو دنیادن گیدر
.
.
اوّل وصیت کیم عمل
قیلدی اونا قوم دغل
زهرانی قویدی بالعجل
با نالۀ شام و سحر
.
.
درگاهینه اود ووردولار
قاپوسینی یاندیردولار
پهلوسینی سیندیردولار
شیعه او قوم بدسیر
.
.
بیر ظلم ایدوب قوم لعین
اول ظلمیله خانه نشین
اولدی امیرالمومنین
بیر گوشه ده دوتدی مقر
.
.
آخرده زهر کینلن
یاران شهید اولدی حسن
اولدی او شاه ممتحن
زهریله صد پاره جگر
.
.
قلیدی او قوم بیوفا
آل رسوله مین جفا
تا که بساط کربلا
بیر یاندان اولدی جلوہ گر
.
.
فکرون پوزولدی نامه سی
سست اولدى الده خامه سی
چون کربلا هنگامه سی
دوشدی خیاله شیعه لر
.
.
هرگونه ظلم بیکران
اولموش بو عالمده عیان
بو ظلمدن اولماز نشان
بو قصّه دن ویرمز خبر
.
.
فریاد او ساعتدن بلی
گوردی حسین بن علی
انصاردن چخمش الى
فریادرس یوخ بیر نفر
.
.
نه عون و نه جعفر قالوب
نه قاسم و اکبر قالوب
نه یار و نه یاور قالوب
یوخدور نه قارداش نه پسر
.
.
سویلوب او دمده لشگره
رحم ایلیون سیز اصغره
منسوبدور پیغمبره
ای امّت با مکر و شر
.
.
«لعلی» بو درد بیکران
تقریره گلمز بیر زمان
هرگز سخیشماز بو بیان
فی جوف هذالمختصر
.
.
#پیامبراسلام_لعلی_تبریزی
#پیامبراسلام_شهادت
#چون_قویدی_آل_هاشمه_گردون_بنای_شور_و_شر
#ترکی
.
#زبدةالاشعار
.
: @nohe_torki