در مقام بزم عزا
.
✍️ #زبدةالاشعار ✍️
.
🆔: @nohe_torki
.
علومی تبریزی
.
چون گلدی محرم غمی باشلاندى حسینون
قان آغلا گوزوم ماتمی باشلاندى حسینون
شاه شهدانین اولا هر یرده عزاسی
هر یرده اسه پرچمی یا باشلانلا یاسی
.
گوز یاشلو گلور عالم معناده عزایه
ایوای بالا وای دیلده الى بِلده آناسی
.
خاتون قیامتدی قیامت اولی بر پا
قلبیندن اوجالدوقجا گویه واولداسی
.
حیدر دیمه آرام اوتورار ملک نجفده
پیغمبرین عرشه اوجالار ناله صداسی
.
ارواح رسل جمله دولار مجلس یاسه
بینا گوز اگر اولسا گورر وار نه صفاسی
.
گوز یاشلارینی فاطمه مجلسده سیلنده
حضّاری پوزار زینبینون آه و نواسی
.
هر کس ادبیله اوتورار بزم عزاده
زهرانین اونا شامل اولار لطف و عطاسی
.
گوز یاشلو دوتار یوز او خانم درگه حقّه
زهرای بتولین بودور اولده دعاسی
.
یارب بولاری قویما دوتا دار فناده
ظالم ستمی عالمون اندوه و بلاسی
.
البتّه عزاخانه ده بیر بیله شرف وار
شرطی بودی بو اولمیا عالمده ریاسی
.
بو شرط عزاخانۀ شاه شهدادی
گل گل بو عزاخانیه ایّام عزادی
.
.
.
#ورود_محرم #علومی_تبریزی
#چون_گلدی_محرم_غمی_باشلاندى_حسینون
#شاه_شهدانین_اولا_هر_یرده_عزاسی
#ترکی
.
✍️ #زبدةالاشعار ✍️
.
🆔: @nohe_torki
نظر دهید