کوچ از کربلا
.
✍️ #زبدةالاشعار ✍️
.
🆔: @nohe_torki
.
مرحوم غمناک
.
سلیل احمد مختار شاه بی غمخوار
حسین بی کس و زار و غریب دار و دیار
.
شهید اولوب سینوب اُردوسی لشکری داغلوب
باتوبدی قانه جوانان هاشمی آثار
.
سویولدی اهل حرم یاندی خیمه و خرگاه
داغیلدی چوللره اولاد احمد مختار
.
مخدّرات حرم بانوان عزّت و ناز
اسیر اولوبدولا یکسر چو دیلم و تاتار
.
ویروبدولر گیجه نی یوز مصیبتیله باشا
یانان چادردا قوری یرده گوزلری خونبار
.
ز بس قاچوبلا گونوز آت دوشونده چوللرده
سولوبلا گل کیمی دلدن دوشوبله خرد و کبار
.
نه قورخودان بیرینون بیر گلوب یوخی گوزونه
که ئولدورر بیزی یا این که ال چکر کفار
.
او نوعیله گیجه نی صبح ایدوبله مین غمیلن
ویروبدی حکم او دم ابن سعد بدکردار
.
ائدون سوار چکون اهل بیتی شامه طرف
ملول بسته قید و طناب هر نه که وار
.
دوزولدی قافله باغلاندی بار محنت و غم
قباقدا قافله سالار عابد بیمار
.
سالوب گذارلرین قتلگاهدن او زمان
توکولدولر یره اول بی کسان لاله عذار
.
ویرا ویرا باشا هر کیمسه اوز گلون تاپدی
باسوبدی باغرینا جان تک چو لؤلؤ شهوار
.
و لیک سیّد سجاده اولمیوب ممکن
قالوبدی حسرتیله ناقه اوسته اول بیمار
.
باخوب او حاله چیخوب حالدن که آز قالدى
مریض جانینی ائتسون او شاه دینه نثار
.
اندوب مشاهده اول حالی عمّه سی زینب
یاخوندی غصّه دن ئولسون او سید ابرار
.
آتاسینون یارالی نعشینه باخور مبهوت
توکور سرشک عذاره امام عرش وقار
.
دئدی بیبون اولا قربان بو قانلی گوز یاشوا
آماندی صبر ایله رحم ایله جانوه زینهار
.
بو گون ئولنلریمون یادگاری بیر سنسن
باخوب قالانلارا رحم ایله قالموشوخ بی یار
.
وئروب تسلّی غرض مین دلیله بیماره
مدینه سمتنه یوز دوتدی با دل افگار
.
خطاب ایلدی صلّی علیک یا جدّا
گل ای حسین غریب و شهیده باب کبار
.
بو پاره پاره بدن گل سنون حسینوندور
که قانینه بویانوب قوملار اوسته قانی آخار
.
کسوبله باشینی نعشین سویوبلا عریاندی
گئدوبدی غارته شال و عمامه و دستار
.
دونوب اودم یارالی قارداشینا ائتدی خطاب
دور ای اولان بو غریب اهل بیته امن و حصار
.
الیم اوزولدی الوندن الیمی یوخدی دوتان
اسیر ائدوب آپارور شامه فرقۀ اشرار
.
اولا بو جانوہ جانیم فدا نیدیم چاره
سنی قویوب گئدیرم ایمدی لابد و ناچار
.
او قدری ویرموری مهلت بو چولده شمر لعین
ئولنلرینی ائده دفن زینب بی یار
.
گون ایسی سینده قوری یرده قالدی گل بدنون
ورق ورق داغدوب گل کیمی ایدوبدوله خوار
.
نه سایه بان نه حنوط و نه غسل و نه کافور
کفن اولوب سنه خاشاک و خار و گرد و غبار
.
ئولوب بو گونلری ای کاش گورمییدی گوزوم
سنی شهید أؤزومی دستگیر فرقۀ نار
.
دایانما دهنۀ بازار کوفه ده غمناک
یول اهلینه قاریشوب دوش یولا سوزون قورتار
.
اوزون کمند اسیران آل حیدره سال
اسیر بند و بلایه على دی سلسله وار
.
.
.
.
#کوچ_کربلا #غمناک
#سلیل_احمد_مختار_شاه_بی_غمخوار
#ترکی
.
✍️ #زبدةالاشعار ✍️
.
🆔: @nohe_torki
نظر دهید