چو موسی گرم ایدوبسن سینۀ سینانی سن قارداش

کوچ از کربلا
.
✍️ زبدة الاشعار ✍️
?: @nohe_torki
.
امینی خویی
.
چو موسی گرم ایدوبسن سینۀ سینانی سن قارداش
آلوب طورین کنارین لیک اشرار زمن قارداش

.
داغیلموش پیکرون داشلار قلجلار نیزه لر آلتدا
سنون تک بو جهاندا اولماز اللرده ئولن قارداش

.
اسیر اولموش عیال و اهل بیتون قوم ظلامه
یارالی شیر تک قول باغلی منده دوشموشم دامه
چکوللر زینبین غملی قطارین ظلمیلن شامه
ویروبلار قوللاریمدان تازیانه هر یتن قارداش

.
نه عالمدور بو عالم زینبه محشر نمایاندور
کسیلمیش اللرون باشون بدن باشدان باشا قاندور
دگوب اوخ نیزه لر سینون حسین چوخ شانه شانشاندور
تاپولماز ایلسین بیر کس سنه غسل و کفن قارداش

.
رقیّون که گجه گوندوز یاتاردی گل بوداقینده
قاچاردی ناز ایدردی قاسم و اکبر قباقینده
گورور ایندی قالوب گل جسملر آتلار ایاقینده
یاخندور غصه مرگ اولسون رقیّون غصه دن قارداش

.
اورک قان باغلیوب یوخدور توانا ایلسین گفتار
دانشسامدا امان وئرمز قوشون ای محرم اسرار
بو وقتیمده گلیدی دادیمه کاش حیدر کرار
گوزوم یولدا قالوبدور نه گئدن وار نه گلن قارداش

.
اگر بو شامیان قویسا یانوندا گئتمرم قاللام
گئجه آیدان گونوز گوندن دوروب اوز کولگمی ساللام
آنام زهرا گلنده قتلگاهه عطرینی آللام
نئدوم حقیمده ایلوللر جفا اهل فتن قارداش

.
بدنده گرچه دورت مین یاره وار بنزور گله قارداش
چمنده لیک گوزدن یاش توکور وای بلبله قارداش
او باغبانم فلک سالدی ایشیمی مشکله قارداش
گئدور نیلوم بئله پوزقون قالور باغ و چمن قارداش

.
خلیل اللهی که قرآن دیور چوخلی بلا گوردی
بلی سویلوب بلایه گتدی اوز اوغلون منا گوردی
سنون لکن اوزون هم ایل تبارون کربلا گوردی
هانی سن تک جهاندا ایل و تباریندن گیچن قارداش

.
اولان اولدی گچن کچدی سنه قربان اولا زینب
گورنمور بیر کسین ایلور نظاره صاق صولا زینب
مسافردور گیدور باشلا اذان دوشسین یولا زینب
داخی یوخ فرصتیم قالما خلقا بوشمر دن قارداش

.
من اول پروانه ام شمع وفادن آیرلانمازدیم
بو مدت عمریمون بیر لحظه سین سنسیز دولانمازدیم
اگر یتسیدی نقصان عشقیمه بیر بیله یانمازدیم
خوش اول من آرتیغام هم شمع و هم پروانه دن قارداش

.
اگر چه قارداشیم ئولموش اوجالمیش گوگلره نالم
ولیکن دولموشام عشقونده سایسیز غملره ماتم
یرون چوخ باصفا دور غبطه ایلر بو یره عالم
گیدور منلن یانوندا قالموری هیچ اهریمن قارداش

.
حسین جانم جانیم گر چخمادی هجرونده تاب ایتدی
شرار فرقتون یاندیردی قلبیمی کباب ایتدی
«امینی» سرگذشتیم یازدی بیر غملی کتاب ایتدی
مصیبت نامه میز گچدی هزاران صفحه دن قارداش

.
#سبک_علی_اصغر_مه_انور (بیش از 7 سبک)
.

#کوچ_کربلا
#چو_موسی_گرم_ایدوبسن_سینه_سینانی_سن_قارداش
#امینی_خویی
#ترکی
.
✍️ #زبدةالاشعار ✍️

?: @nohe_torki