شهادت حضرت فاطمه (س)
.
✍️ زبدة الاشعار ✍️
.
🆔: @nohe_torki
.
مرحوم مضطر قفقازی
.
چو یتدی موسم رحلت بتول عذرایه
دُر خزینۀ عصمت جناب زهرایه
.
.
ز بسکه دور فلکدن چکوبدی غصّه و غم
اولوبدی سرو قدی هجر مصطفادن خم
او سرّ قلبینه بیر کس تاپانمادی محرم
ائدوبدی دردینی اظهار امیر بطحایه
.
.
دیوبدی حیدر کرّاره بانوی عصمت
منِ فلک زده دن ایمدی ایلمه غفلت
رسولِ موت گلور الده قالمیوب فرصت
گرکدی روح صعود ائتسون عرش اعلایه
.
.
ائشیت وصیّتیمی ای امیر ملک حجاز
فراق وقتیدی هنگام دید و راز و نیاز
منه عم اوغلی اوزون غسل ویر هم ایله نماز
بو سرّیمی ایلمه آشکار اعدایه
.
.
دوتوبدی گوگلیمون آئینه سینی گرد ملال
گل ایله بذل عطوفت منی سن ایله حلال
گر اختیار عیال ایله سن امامه نی آل
رَئوف دور او بلورسن عیال طاهایه
.
.
آنالاریندان صورا بیکسدی زینب و کلثوم
حمایت ایت حسنینه یتیم دیلر مظلوم
بیری جفائیله مقتول اولار بیری مسموم
دوشر عیال پیمبر بلایه غوغایه
.
.
ویرنده فاطمیه غسل حیدر کرار
گوروبدی جسم شریفینی چکدی ناله زار
ووروبدی جسمینه چون تازیانه لر اشرار
یتوبدی صدمۀ کلّی مُطَهّر اعضایه
.
.
او حالیده یتیشوب بلبلان باغ بتول
نه گوردولر که وفات ایلیوبدی بنت رسول
چکوبدی نعشینی آغوشه هر ایکیسی ملول
غریب کربُ بلا گلدی بو تمنّایه
.
.
خطاب قیلدی که ای شاخه دَوحَة مدنی (1)
زمان سابقه تک چک بو دم کناره منی
فراق وقتیتیدی تا ایلیوم وداع سنی
قولووی بوینوما سال شایقم بیر ایمایه
.
.
اوجالدی نالۀ زهرا آچیلدی بند کفن
چکوب کنارینه اوغلانلارینی چو پیراهن
حسن فغان ایلدی باشلیوب حسین شیون
خطاب گلدی آیور اونلاری او مولایه
.
.
آیردیلار حسنینی جنازه دن آرام
ولیک کربُ بلا ایچره شمر بد فرجام
سکینه نی آیروب ایلیوبدی ظلم تمام
ووروبدی قمچی صبایای ستر کبرایه
.
.
بتول محنتی #مضطر سالوب جهانه شرر
نه نوعی غمدی ایدوب کل کائناته اثر
بو عصمت الَّهَه آغلا آتاسی ویردی خبر
شفیعه دور بو خانم روز حشر عقبایه
.
(1) لغت نامه دهخدا :
دوحة. [ دَح َ ] (ع اِ) دوحه (در تداول فارسی ). ج ، دَوح و دَوحات . (ناظم الاطباء). درخت بزرگ . (منتهی الارب ) (آنندراج ) (از غیاث ). درختی کلان با شاخ بسیار از هر سو کشیده . درخت بزرگ پر شاخه .
.
.
#فاطمیه_شهادت
#چو_یتدی_موسم_رحلت_بتول_عذرایه
#مضطر_قفقازی
#ترکی
.
✍️ #زبدةالاشعار ✍️
.
🆔: @nohe_torki
نظر دهید