در مدح و شهادت حضرت زینب (س)
.
.
✍️ زبدة الاشعار ✍️
.
🆔: @nohe_torki
.
#سیف_اله_آذری
.
چکوب دریا غمی آزاده زینب
دایاندی داغ کیمین اِیذاده زینب
.
.
نه زینب پارۀ قلب پیمبر
نه زینب زینت و دلبند حیدر
نه زینب کلّ نسوانه او سرور
نه زینب صورت و سیرتده برتر
نه زینب عین زهرای مطهّر
نه زینب عالِمه عالی سخنور
نه زینب عاشق خلّاق اکبر
نه زینب ذکر سبحان دلده ازبر
آچان هر نصب شب سجّاده زینب
.
.
نه زینب صبر دریا سینده لنگر
نه زینب هم رئوف و هم مؤقّر
نه زینب صورتی آیدان منوّر
نه زینب نطقی چون برّنده خنجر
نه زینب عصمت و تقوایه پیکر
نه زینب صبرینه مات اولدی لشگر
نه زینب سالدی جان کفره اخگر
حسینه یاور و دلدار و دلبر
اولانماز بیر باجی دنیاده زینب
.
.
اوَلدن اولدی محنت آشناسی
واریدی بش یاشی ئولدی آناسی
عزالیدی شهید اولدی آتاسی
دالیجا گیتدی مظلوم مجتباسی
یتیشدی ماجرای کربلاسی
باتوب قانه ایکی نازلی بالاسی
یاری گونده یَم اولدی ماجراسی
حسینون گلمدی سانه یاراسی
نئجه گوردی اونی قتلاده زینب
.
.
اونون درسین ئوزی وئرمیشدی زهرا
عظیمیدی اورک صبرینده دریا
یوخیدی خصمیدن بیر ذرّه پروا
یزیدی اوز ائوینده ایتدی رسوا
اَسوب سر کرده لر اوردا سرا پا
دانیشدی حیدرین مثلی شرر زا
یزیده سسلدی بیخود آلیشما
کس آی هرزه زبان هذیان دانیشما
سنی خوار ایلیر دنیاده زینب
.
.
گذشتی فکری صبری فوق العاده
آچوب گوز دودمان بی ریاده
حلیم و سر به زیر و بی افاده
قوی دل با حیا محکم اراده
گوروب رنج و غم و محنت زیاده
اسارتده دولاندی پا پیاده
حسینون باشینی نوک جداده
گوروب غرق اولمادی موج بلاده
دایاندی غصّه لی دریاده زینب
.
.
نچه ایل عمر ائدوب اول فخر نسوان
آلوب درس وفا اوندان چوخ انسان
ولی چرخ ایلدی محزون و نالان
گونی گوندن اولوب قلبی پریشان
تاپوبدی شامیده آخرده اسکان
اونون جان ویرمگی درد اولدی سوزان
کسیلدی هر طرفدن راه امکان
آخوب گوز یاشی یوزده یازدی هجران
دانیشدی جان وئرن اثناده زینب
.
.
یانقلی سسلنردی سروریم گل
چوخ آهسته دییردی دلبریم گل
قالوب قوینومدا قارداش اللریم گل
منه رحم ایله جانِ اکبریم گل
غریبم یوخ یانیمدا ائللریم گل
سولوب دیل باغچاسیندا گوللریم گل
بویانمش قانینه بلبللریم گل
باخور اطرافه آغلار گوزلریم گل
نفسدن دوشدی بو مأواده زینب
.
.
فلک رحم ائتمدی اول دلکبابه
سالوب یانمش فُوادین اضطرابه
تحمّل ایلدی رنج و عذابه
بلالی باشینی قویدی تُرابه
تُراب آغلور او دُخت بو تُرابه
نیه بس اولمادی دنیا خرابه
دمشق اولدی مکان او با حجابه
یازیلدی خاطراتی مین کتابه
صبور اولدی هامی بلواده زینب
.
.
قوتاردی سوز خوش الحان زینب اولدی
یتیشدی صوت قرآن زینب اولدی
ائدیم قوی واضح عنوان زینب اولدی
غمی دریای عمّان زینب اولدی
گوزی یولدا اورک قان زینب اولدی
آخوب گوزلر پریشان زینب اولدی
اورک چرپندی نالان زینب اولدی
غریب یرده وئروب جان زینب اولدی
بهشته سسلنوب زهراده زینب
.
.
گلوب غسّاله او غملی دیاره
باخوب جان تاپشوران خسته نگاره
باشندا گوردی وار بیر شال قاره
ایکی اللر اورکده قلبی یاره
تعجب ائتدی گلدی آه و زاره
گرکدی غسل ویرسون یوخدی چاره
چکوبدی اللرون آزجا کناره
گوروبلر قانلی بیر کوینکدی پاره
باسوبدی باغرینا افتاده زینب
.
.
آلیشدی فرقته آخر دمینده
چالوبدور ال ایاق محنت یمینده
یانار عالم اونون دریا غمینده
نه لر اولدی یانقلی عالمینده
ویروب پر اودلانوب هجران شمینده
چوخیدی بار غم قدّ خمینده
دینن کی «آذری» شعرون جمینده
شفا وار زینبین اودلی دمینده
گلر محشر گونی امداده زینب
.
#زینبیه_مدح
#زینبیه_شهادت
#چکوب_دریا_غمی_آزاده_زینب
#ترکی
.
✍️ #زبدةالاشعار ✍️
.
🆔: @nohe_torki
نظر دهید