چیخیب سیمرغ طبعیم کوهِ قافه #سجادیه_قیزیل_قلم

ترکیب بند
ولادت امام سجاد علیه السلام
گریز به خطبه حضرت در شام
.
#زبدةالاشعار
.
: @nohe_torki
.
اکبر ستاری (قیزیل قلم)
.
چیخیب سیمرغ طبعیم کوهِ قافه
دوتوبدورطبعیمه عشقیم قیافه
.
دوشوبدورقافیه تنگه گرک دیر
یئنه فکریم تلاش ائتسین اضافه
.
گؤروندی پنجم شعبان الهی
مسیرِشعرده اولدوم کلافه
.
دوشوب تأخیره تحریرِکتابت
قلم گلدی الیمده اعترافه
.
دولاندیم وادی فکروخیالی
دئدیم دامَن ووروم بابِ زُحافَه
.
قلم طبعیمله پیمان باغلاشیب دیر
دئدیم اَحسن بو حُسنِ اِئتلافه
.
امامِ چارمه ائتسم توسل
اوره ک دوشمزمسیزانحرافه
.
عِنانِ صبریم اَلدن گئتدی بسدیر
رها ائیله ندور لفظِ لفافه
.
.
«ازل تبریک یاز سالاردینه»
«دئنن بیرشعرزین العابدینه»
.
.
آچیلدی بابِ رحمت شیعیانه
وئریلدی مژده جمله عاشقانه
.
گلیب دنیایه دؤردونجی امامیم
اوره ک لرباشلاسین شورِترانه
.
اوتوزسگگیزایل هجرت دن گئچوردی
مسیرین طیّ ائدیب چرخ زمانه
.
اولوبدور پنجشنبه پنج شعبان
باخ ایندی لاله نین باغریندا قانه
.
علیّ ابنِ حسین ابنِ علی ده
گلیبدور کوفه شهرینده جهانه
.
چیخیب بحرِگُهَردن دُرِّ رخشان
وئریب نخل امامت خوش جوانه
.
اولوبدور شهرکوفه نور باران
وئریلدی زینت عرش لامکانه
.
گؤزون آیدین وفالی«شهربانو»
سلام اولسون گلِ ایرانیانه
.
.
«بوگون ایرانلی لارشادلیق ائدیللر»
«گؤزل داماده تبریک ائیلییللر»
.
.
عبادت مُلکینین سلطانی گلدی
حسینین گوهر رخشانی گلدی
.
وئریلدی مژده کلّ کائناته
تماماً دردلرین درمانی گلدی
.
علی اوغلی حسینین اوسط اوغلی
صفالی گلشنین مهمانی گلدی
.
بوتون اهل سجودون افتخاری
سؤزو،واله ائدن دنیانی گلدی
.
عیان دیرشهرت زین العبادی
دیریلدن مکتب قرآنی گلدی
.
اولان آیات حقین پاسداری
دلیل و منطق و برهانی گلدی
.
یئنه بحرگهردن چیخدی گوهر
سرافراز ائیله دی ایرانی گلدی
.
بوگون خوشحال اولوب داماد ایران
حسینین لؤءلؤء مرجانی گلدی
.
.
«ملک لرخدمتین ده ویردی زانو»
«ائوین آباد اولسون شهربانو»
.
.
حسین جان بو گل خندان سنین دیر
گزن لَحم و رَگین ده قان سنین دیر
.
بو جشنه سوره صاحب خانه سنسن
تماماً کشور ایران سنین دیر
.
سنه تبریک سؤیلر شیعیانین
اولان قلبینده کی ایمان سنین دیر
.
بالان سجاده توتدوق جشن میلاد
بساط و ائو سنین مهمان سنین دیر
.
آچیلدی سفره ی فیض وکرامت
نَقَدری بذل اولا احسان سنین دیر
.
اوچ اوغلون گلدی بو آی دا جهانه
بوشهر روشن شعبان سنین دیر
.
بیر اوغلون پنجم شعبانه زینت
آچیلمیش غنچه ی خندان سنین دیر
.
بیر اوغلون روز اِثنٰیِ عَشَرده
علی اکبر کیمین قربان سنین دیر
.
.
«گزور درد اهلی چوخ درمانی گؤزلر»
«حدیثِ نیمه ی شعبانی گؤزلر»
.
.
#گریز
.
اوره ک دن صبروطاقت یار آپاردی
عنان صبریمی گفتار آپاردی
.
چکیر سؤز مطلبی کرب وبلایه
دلِ غمدیده می دلدار آپاردی
.
او گون کی خسروخوبان جهاده
قیلیب اعوانینی احضار آپاردی
.
گؤتوردی اهلبیتین هجرت ائتدی
ائدیب ترکِ دیار و دار آپاردی
.
گئدیر کرب وبلاده خیمه قورسون
نئچه اهل دل و پیکار آپاردی
.
بنی هاشم جوانلاری موافق
بیرین تقدیر حق بیمار آپاردی
.
اولوبدور جنگ مغلوبه او چؤلده
گلستانین صفاسین خار آپاردی
.
نه چون بیماردی سجاد زهرا
اسیر ائتدی اونو اشرارآپاردی
.
.
«قولی زنجیرِظلمه باغلی گئتدی»
«دیارشامه سینه داغلی گئتدی»
.
.
#گریز #خطبه_سجادیه_در_شام
#سجادیه_خطبه_در_شام
.
گل ای دل شام ده باخ انقلابه
گرک زین العباد ائتسین خطابه
.
وئریب لرخارجی نسبت امامه
ائدیبلرچوخ ستم گلمزحسابه
.
اؤزو یاد ائیلییور اَلشّام اَلشّام!
او یئر تنگ اولدو آلِ بوترابه
.
گتیردی مسجده آل اُمیّه
اوره ک لر دوشدو ناگه التهابه
.
قولی باغلی گؤرن وقته امامین
دوشوب قلب اسیران اضطرابه
.
دولوبدور مسجده اشرار ظالم
واریدی بیرنئچه مردصحابه
.
امامه فرصت گفتار گلدی
اشاره ائتدی جمله شیخ وشابه
.
بیلون ای شامیان سفله پرور
شماتت ائتمییون بو دلکبابه
.
.
«تانیتدیرّام سیزه شأن ومقامیم»
«گؤررسیزواردی حقّ انتقامیم»
.
.
منم سبط رسول اللهون اوغلی
ولی الله وسیف اللهون اوغلی
.
آنام زهرا بابام حیدر علیدور
منم خون خلیل اللهون اوغلی
.
حسینه یادگارم ای جماعت
منم ثاراوغلی ثاراللهون اوغلی
.
کلام عُروَةالوُثقیٰ بیزیمدور
منم حقاکی حبل اللهون اوغلی
.
کتاب اللهی تفسیر ائیلیین بیز
منم اسرار بسم اللهون اوغلی
.
کیم ایسترآیه ی تطهیری بیلسین
منم سجاد آل اللهون اوغلی
.
.
«صفاومروه وزمزم بیزیمدور»
«همان پیغمبراکرم بیزیمدور»
.
.
بیزوک اولادهاشم افتخاری
عموم حمزه یَل ضیغم بیزیمدور
.
وقاری سینمییب سینماز علینین
بیلون کی حِصن مستحکم بیزیمدور
.
یئرین اوستونده بیزدولتمداروق
یقین اَسرار مُستعظم بیزیمدور
.
منم شیرخدانین یادگاری
منم دین مبینین پاسداری
.
منم غارحرانین یادگاری
بابام دور جبرئیل آموزگاری
.
تانیرسیزکیمدی صاحب ذوالفقاری
بابام دور حیدرکرار آری
.
علینون اوغلونون دلبندییم من
همان مکه منا فرزندییم من
.
#سجادیه_میلادیه
#چیخیب_سیمرغ_طبعیم_کوه_قافه
#ترکی
.
#زبدةالاشعار
.
: @nohe_torki