کربلا خوش حالیوه بیر ناطق قرآن گلور #ورود_کربلا_قائل

ورود به کربلا
خطاب به ارض کربلا قبل از ورود قافله حسینی
.
#زبدةالاشعار
.
: @nohe_torki
.
مرحوم قائل
.
کربلا خوش حالیوه بیر ناطق قرآن گلور
ایتماقا صحرالرون چون روضۀ رضوان گلور
.
پادشه لر پادشاهی شاه مظلومان حسین
سنده مسکن قیلماقا آلمیش اله فرمان گلور
.
قدرینی بول پیشواز ائت چوخدی شأن و شوکتی
كل عالملر اولوب اول شوكته حیران گلور
.
آرزو ایلر پیمبرلر اونا چاکر اولا
محضروندن فیض آلا هر قدر وار امکان گلور
.
هیچ بیرین ایتمز قبول چون اونلارا یوخ احتیاج
خدمتینده شوقیله یتمیش ایکی قربان گلور
.
نچه قربانلاردیلا باشدان گئچن جاندان گئچن
بیر نفر وار قول او شاهه ایلیوب احسان گلور
.
قول ویروب حقّه علمدار اولدی هم سردار اولوب
لشگره سقّا اولوب اما اوزی عطشان گلور
.
بیر جوان هاشمی واردور على اکبر آدی
اوخشوری پیغمبره هر دم اوخور قرآن گلور
.
بسلیوب اون سگّیز ایل زحمت چکوب ای کربلا
وئرماقا قربان اونی اؤز قاننه غلطان گلور
.
یاخشی ساخلا نسگلی آرتوقدی كامه یتمیوب
طوی اوطاقی گورمه مش جسمی اولا شان شان گلور
.
مجتبانون روحی وار بو کارواندا کربلا
سرور عالم حسینه اولماقا قربان گلور
.
طوی اساسی حاضر ایله بو جوانه طوی ایدر
یاسیلن طوی بیرجه ساعتده اولور یکسان گلور
.
بو جوان ائتمز خضاب گیمز لباس رنگ رنگ
قانیله رختی بو طویدا اولماقا الوان گلور
.
بیر قوزی قربانی وار ای کربلا چوخ تشنه دور
ایله حاضر سو اونا چون آختارور پیکان گلور
.
سو ویروب سیراب ایله آخر اونی پیکان تاپار
تشنه لب ئولسه پیمبر نالیه هر آن گلور
.
بیر رقیّه آدلی قیز وار شاه دینه سویگولی
سسلین وقته عمو بیر نچه یردن جان گلور
.
کربلا صحرالرون توپراقنی چوخ نرم ایله
اینجیوب بو قافله بسکه اوزاق یولدان گلور
.
یادیمه دوشدی بو شاهون قوملار اوسته یاتماقی
اوچ گیجه گوندوز او چولده اولماقا بریان گلور
.
آه و فریاد و فغان اول وقتیدن که شمردون
الده خنجر چکمه لی پا گوزلریندن قان گلور
.
الأمان آه الأمان که خولی و سعد و سنان
آتلارا تازه ویروب نعل ایتماقا جولان گلور
.
آتلارین دیرناقلاریندا ایتماقا پامال اونون
نعش پاكین های و هوئیله چکوب افغان گلور
.
چون بو شاهین نعشی دفن اولماز قالار اول عرصه ده
ازدحامیله اوشاقلار دورت آقاج یولدان گلور
.
واحسینا واغریبا سسلیوب سینه زنان
باشلارا توپراق سپلّه جمله سی نالان گلور
.
( قائلا) آز یاز بو شاهین محنت و درد و غمین
دفتر الده آغلوری اما قلمدن قان گلور
.
.
#کربلا_خوش_حالوه_بير_ناطق_قرآن_گلور
#ترکی
.
#زبدةالاشعار
.
: @nohe_torki