ورود ماه محرم
.
.
#سبک_زینبم_جان_اوستیم (4 سبک)
.
.
مرحوم نادری میانجی
.
.
چکدیلر عرشه قرا چون روز ماتم دور بوگون
شیعه لر یاسه باتوب ماه محرمدور بوگون
.
.
چون یتیشدی بو محرم آئی باشلاندی عزا
باغلیوب پیر و جوان عورت کیشی باشه قرا
لطف قیل اهل عزایه یا ذَبیحاً مِن قفا
هم شهیدلر آیی دور هم روز اعظم دور بوگون
.
.
بو همان آیدور که یالقوز بیر امام ئولدور دولر
قوم خیشین یار انصارین تمام ئولدور دولر
قولسوز عباسین سو اوسته تشنه کام ئولدور دولر
حضرتِ ام البنینه مایۀ غم دور بو گون
.
.
بو همان ماه محرّمدور اولوب جانلار فدا
تازه دامادون الینه یاخدیلار قاندان حنا
کربلا صحراسی چون بو آیدا اولموشدی منا
کربلا کوه منادن اوندان اقدمدور بو گون
.
.
بو همان آیدور که زینبده کفن دار آدلانوب
اهل بیتین قوللاری یکسر طنابه باغلانوب
آلتی آیلیق اصغری قونداق ایچینده اوخلانوب
قطره قطره تر گل اوسته مثل شبنم دور بو گون
.
.
بو همان آیدور اَلی قوینوندا زهرا سسلنور
هم ربابیله سریه همده لیلا سسلنور
اهل بیت مصطفی دور واحسینا سسلنور
بو محرمده یقین محشر مجسمدور بوگون
.
.
بو همان آیدور که لیلا قالدی حسرت اکبره
یخدیلار بو آیدا عباسی عقاب اوستن یره
یوز ویروب اوندا نه حالت اهل بیت مضطره
چون اسیراولماق داخی قطعی مسلم دور بو گون
.
.
بو همان آیدور اَل آتدی شمر ظالم خنجره
کربلا دشتنده خنجر قویدیتشنه حنجره
حکم ایدوب خلاق داور جبرئیل انسین یره
گلدی پیغمبرلر اورادا نوح و آدم دور بوگون
.
.
آه او وقتی گون دوتولدی قاره یل اسدی شدید
سس دوشوب هر یانه ظلمیله حسین اولدی شهید
سس گلوب گویدن حسین فاتحدی ای قوم یزید
خلق ایدن یاخشی بولورآلله اعلم دور بو گون
.
.
الده مشعلر توکولدی خیمه گاهه اهل شام
اود ویروبلار هرطرفدن اود دوتوب یاندی خیام
آلِ سفیان آلدیلار آلِ علیدن انتقام
سن اوزون انصاف ایله اوردا نه عالم دور بوگون
.
.
#نادری گلشن پوزولدی ناله گلدی بلبله
زینبی کیملر سوار ایتدی او گون محمله
سسلنوردی قتلگهدن بلکه عباسی گله
زینب بیچاره نون احوالی درهم دور بوگون
.
.
#ورود_محرم
#چکدیلر_عرشه_قرا_چون_روز_ماتم_دور_بو_گون
#نادری
#ترکی
#زبدةالاشعار
نظر دهید