استمداد حضرت ابوالفضل (ع)
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
مرحوم دلریش
.
ال تاپدی جفا اهلی بو خونین دله قارداش
آز قالدی که حسرت قالا گُل بلبله قارداش
.
.
گلشن سُوشووب سرو سمن باری یخوبلار
قول گئتدی علم یاتدی علمداری یخوبلار
ای ماه جهان گل که بو سرداری یخوبلار
سسلر سنی هر کیمسه دوشه مشکله قارداش
.
.
یوخ اوزگه غمیم بیرده وصالون گوروب ئولسم
گئتمم نگران بدر جمالون گوروب ئولسم
بیر جان گلو بو جسمه مقالون گوروب ئولسم
مشتاقم او گل عارضه شیرین دله قارداش
.
.
نه واردی بو طاقت دورام اعدایه مقابل
نه گورمگه رخساریوی مهلت وئری قاتل
هر لحظه قویار حنجریمه خنجر غافل
نه واردی الیم مانع اولام قاتله قارداش
.
.
ادرکنی اخا صوتینی سلطان شهیدان
ناگه ائشیدوب خیمه ده با دیده گریان
سسلندی باجی آت گتورون لشگر عدوان
یخدیلار علمداری تاپولماز بئله قارداش
.
.
گر ئولسه ابوالفضل باجی بول که من ئولدوم
مشکل اولو قارداش ئولومی قارداشا بولدوم
الان بئلیمی بوکدی بو محنت بئله گوردوم
بیر قوّت مخصوصدی باجی بئله قارداش
.
.
گلدی سر بالین علمداره او سرور
بیر نوعی گوروب قارداشینی گورمیه گوزلر
بیر یاندا دوشوب قوللاری بیر گوشه ده پیکر
هر لحظه دییر قانیله صبر ائت گله قارداش
.
.
باشین آلوب آهسته دیزی اوسته توکوب یاش
بو نوعی دییر هاردا تاپوب قارداشی قارداش
سندن صورا باش سیز قالاجاق زینب کول باش
کیم یولدا سوار ایلر اونی محمله قارداش
.
.
آرامیدی اهل حرمیم سنلن ازلدی
سالدی بو مصیبت فی الحقیقت منی الدن
دشمن سنه ال تاپدی اوزولدی الیم الدن
صد حیف الون یوخدی وئراخ ال اله قارداش
.
.
سندن صورا اهل حرم آسوده یاتانماز
باغلار اولاری قول قولا ظلم اهلی اوتانماز
اطفالیمین احوالینه بیر کیمسنه یانماز
بیماره وورار شمر لعین سلسله قارداش
.
.
بو قصه پر غصه تالانیدی «دلریش»
هر شام و سحر دیده سی گریانیدی «دلریش»
مدتدی بو درگهده نواخوانیدی بو «دلریش»
وئر روز جزاده اوز الونله صله قارداش
.
.
#عباسیه_شهادت
#ال_تاپدی_جفا_اهلی_بو_خونین_دله_قارداش
#ترکی
.
.
✍️ #زبدةالاشعار ✍️
.
🆔: @nohe_torki
نظر دهید