کلمه عشقین باجی بولمز هامی معناسینی #اصغریه_یوسف_فگار

زبانحال امام حسین (ع) در شهادت علی اصغر (ع)
.
.
مرحوم حاج یوسف مهدین (فگار)
.
.
کلمۀ عشقین باجی بولمز هامی معناسینی
اصغریم اوخلاندی شرح ایتسون اونون فحواسینی
.
بر ملا ئوز شأنینی دنیایه اعلان ایلدی
صفحۀ تاریخه یازدی عزّتین معناسینی
.
سود امردی باخماسن تعیین تکلیف ایتماقا
قانیله انشا ایدوب ئوز عشقینین فتواسینی
.
اکبریم تک اصغریمده مست جام عشقدور
منله باهم نوش ایدوب قالوا بلی صهباسینی
.
دین یولوندا جانینی جانانینه قربان ایدوب
گوستروب عالملره ئوز همّت والاسینی
.
اوندا کی قانین دوتوب سپدیم باجی گوی سمتینه
گوردولر گوی اهلی گویلرده گوزل سوداسینی
.
دئ ربابه گل سنون گور نه اوجاتدی باشوى
ایلدی رشگ منا کرب و بلا صحراسینی
.
هاجرین شأنی باجی چاتماز ربابین شأنینه
اوغلونون گورموبدی هاجر زخم جانفرساسینی
.
اللریم اوسته ایدر تشبیه بیر حَمرا گله
گورسه هرکیم قانیله رنگین اولان سیماسینی
.
آغلامور دینمور داخی سسدن دوشوب آرام اولوب
سنده آل باغلا بالامین نرگس شهلاسینی
.
مشکلیم حددن آشوب دردیم چخوب اندازه دن
قلبیمین اصغر غمی تاراج ایدوب یاراسینی
.
وار یری قان آغلاسین یر گوی منیم احوالیمه
اهل عالم ایل به ایل دوتسون بالامین یاسینی
.
قلبیمی چوخ یاندیروب، هر کس بو طفله آغلاسا
قویمارام محشرده آغلار دیدۂ بیناسینی
.
صد قیله نوحه یازوبدور اصغره چونکه فگار
خدمتی مقبول دور ویرّم ایکی دنیاسینی
.
.
#اصغریه #یوسف_فگار #اصغریه_شهادت #ترکی