زبدةالاشعار

کنار ایله حجاب تیره زلفی ماه منظردن #اکبریه_عابد_تبریزی

وداع حضرت علی اکبر علیه السلام
.
✍️ زبدة الاشعار ✍️

?: @nohe_torki
.
مرحوم عابد تبریزی
.
کنار ایله حجاب تیره زلفی ماه منظردن
دریغ ائتمه علی لطف نگاهون جان مضطردن
.
سپهر عارضوندن لمعه لمعه نور اولور ساطع
آلیب گوی سبق ماه رخون خورشید انوردن
.
نه سودا وار باشوندا عالمی ترک ائتموسن بُلمَم
سنی سرمست ایدوبدور ساقی غم هانسی ساغردن
.
عوالم نظمینی ائتمه پریشان، حال لیلی تک
صبا قویما گذار ائتسون او گیسوی معنبردن
.
بویون قربانیم قوی بیر دولی گوزلی بویون گورسون
آنان باری نظر درسین بله نخل تناوردن
.
قیام قامتون توجیه ایدر هنگامۀ حشری
تاپیلماز ماصدق بو قامته سرو و صنوبردن
.
دولاندیرما گوزون مستانه بو گردون گردان تک
که ایلر منحرف گردونۀ امکانی محوردن
.
فروغ عارضون گورسه عروس حجلۀ گردون
زواله خجلتندن میل ایدرسرحدّ خاوردن
.
شعاع آفتاب عارضون قویمور گوره گوزلر
نه گوهرلر سَپَر خاک رهونده چرخ، اختردن
.
آتا گر بیر اشارتله کمان ابرو نظر تیرین
خدنگ انداز گردونی سالار نه طاق اخضردن
.
دم باد سحرتک زلفوه هر دم دیَر آهیم
بو دشتی رشگ چین ایلر شمیم مشگ اذفردن
.
آنان سنده اوغول محو ایلیوبدور روحون، آختارما
آنالیق روحونی بو قالب لیلایه بنزردن
.
گورن نقش بدیع نسخۀ حسنون بولر ایلوب
سخنگوی ازل عطف بیان حسن پیمبردن
.
باخور گوز حُسنوه هر بیر نظر افزون اولور نوری
وگرنه دل بولور بو مصحفین آیاتنی بردن
.
خیال ائتدوقجا کامه یتماقون، شوقیله گوز یاشیم
گچر طوفان ایدنده هفت دریای مسجّردن
.
جواهر سرمۀ دود دلیله چشم مخمورون
اولوب مکحول آلا دل دیدۀ جادوی عبهردن
.
آنان روحی تجسّم تاپدی اولدی صورت اکبر
گچور گور ایمدی نه حالیله بو روح مصوّردن
.
قتاله عزم ایدوبسن ویر اجازه ایلوم آماده
منظم بیر قشون آه دل اشگ دیدۀ تردن
.
ملوکانه جلالیله علم نصب ایله میدانه
دل آل حسنیله، جان شمشیریله قوم ستمگردن
.
ندای احمدی باشلا دل کفاره اِلقا ائت
هراس و رعب و وحشت نعرۀ اللهُ اکبردن
.
علی تیغ الده تأیید یدالهیله سن گوستر
علائم بو سپاهه قدرت بازوی حیدردن
.
عدو دم ویرسا منع آبدن گوستر غروریله
لبون تا ایلسین مین لر حکایت آب کوثردن
.
مباهات ائتسه دشمن کثرتندن آچ سر زلفون
توکولسون لشگر آردونجا دوشن آواره دل لردن
.
صف مژگانله اعدا صفوفین برهم ائت یکسر
کمان ابرویه خم وئرمه هجوم تیغ و خنجردن
.
سپاه کینه قلبنده نگاه نرگس مستون
ائدر آرتیق شراره مشتعل مین شعله آذردن
.
شهادت شاهدین شوقیله استقبال ایله هرگز
خیال ایتمه جفای خصمدن بیداد لشکردن
.
فروغ تابناک گوهر نفسون گوره بولمز
او گوزلر که اولوبدور خیره برق نقره و زردن
.
مقدسدور، شهادت کعبه سین طوف ائت صفائیله
بو درگاهین غبارین پاک ائدر جبریل شهپردن
.
منای عشقده مردانه قربان اول سنه قربان
آنان قوی رتبه ده ممتاز اولا حوّا و هاجردن
.
علی قویما اولا آشفته فکرون فکر لیلادن
اسارتدور شهادت ملزمی امر مقدردن
.
حریم عصمتین تضمین ایدوب حق حفظ ایده اما
آلانماز پرده قوم کینه جو آل پیمبردن
.
سنه باش ترکینی تعلیم ائدن راه دیانتده
منه تلقین ائدوب ال چکمییم بو قاره معجردن
.
مصفّادور اگرچه اشک شبنم چهرۀ گلده
تاپار اوزگه صفا حسنون بویانسا خون احمردن
.
شهادتله یتیشمز ماجرا پایانه، سیر ایلر
باشون اوزگه مراحل، دور گردن مدوّردن
.
جدا باشین باشون ترک ایلمز شامه کیمی بولّم
کیمین وار تابی آیریلسون بله هم سرّ و همسردن
.
فراقون سوزونی پایانه ویرمز عمر، پایانی
ویرر باش بو شرار جانگزا دامان محشردن
.
حسین بن علی درگاهینه یوز دوندروب «عابد»
که عنوان وساطتله دوتوب دامان اکبردن
.
رجای واثق ایله، مدعا تحصیلنی ایستر
بولر هرگز گدا اولموب اولا نومید بو دردن
.
.

متن پیشنهادی:  ای مکّه اگر سنده ده بیر کوه منا وار #نادری

#اکبریه_شهادت
#کنار_ایله_حجاب_تیره_زلفی_ماه_منظردن
#عابد_تبریزی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی