کنج ویراندا مکین زینب خاتون اولدی #خرابه_شام #تائب_تبریزی

خرابه شام
.
#زبدةالاشعار
.
: @nohe_torki
.
مرحوم تائب تبریزی
.
کنج ویراندا مکین زینب خاتون اولدی
غم ایامیله مأنوس او محزون اولدی
.
سایه پرورد بهشتی لری گون یاندیردی
سولدولار زرد هامی عارض گلگون اولدی
.
باشینه یغدی حسینی لری دللرده نوا
واحسین گو او مصیبت زدہ خاتون اولدی
.
بوینی چیگنینده گل اوزلی بالالار چکدیله آه
دامدى قان باغرینا غنچه کیمی دلخون اولدی
.
اشک خونیله دولان گوزلری دولدی داشدی
چشمۀ چشم لری حسرت جیحون اولدی
.
گوزلری دولدی دولی گوزلره دوشدوقجا گوزی
سولدى اطفال اونون حالی دگرگون اولدی
.
صبرین اسگیتمدی هرگز او بلا دیده خانم
گرچه هر لحظه اونون محنتی افزون اولدی
.
هدف اوستیدی او ویرانه نشین لیق خانما
هر بلا گلدی قبول ایلدی ممنون اولدی
.
هامی غم بیریانا، بیر یانه رقیّه دردی
هامودان چوخ او بالا آغلادی محزون اولدی
.
سوز سالوب سوز باشی عرض ایتدی رقیّه باباگل
سؤگلین گور نجه سنسیز غمه مقرون اولدی
.
بابا جان من هارا ویرانۀ شامات هارا
سنون عشقونده خرابه منه کانون اولدی
.
سن که دین اوسته باتوب قانه کول اوسته یاتدون
کنج ویرانه ده باتماق منه قانون اولدی
.
من که آبادی دین اوسته بو یرده یاتدیم
اودی ویرانه دونوب کاخ همایون اولدی
.
فکر دنیانی بوشاتدیم دل خونینیمدن
اور گیم درد و غم دینیله مشحون اولدی
.
چکرم آه یزیدی سالارام تختیندن
سیل اشکیمله گورر خانه سی وارون اولدى
.
درک ایدر آه یتیمین نقدر وار اثری
اوندا که محو او رسوا زده ملعون اولدی
.
گوزی عصمت صدفی گوهر دریای شرف
گنج تک گوشه ویرانه ده مدفون اولدی
.
تائبا شکر ایله باخشی قلمون قدرتی وار
قدرت احسان ایلین قدرت بیچون اولدی
.
.
.
#زبدةالاشعار
.
: @nohe_torki