خرابه شام
زبانحال حضرت زینب (س) با حضرت رقیه (س)
.
✍️ #زبدةالاشعار ✍️
.
🆔: @nohe_torki
.
#سبک_اصغر_ای_بختیمون … (سبک:آچ او شهلا گوزون…)
مشابه
.
مرحوم حاج محمد شیخ زادگان ( مبکی تبریزی)
.
.
ای سالان شور غم نسگلی کون و مکانه
عمّن ئولسون بالا باغریمی دوندرمه قانه
توکمه عذاره اشکون رقیه
گل سینم اوسته ای ماهپاره
.
.
دیمه عمّه آجام منزلیم ویران سرادی
قوری یردور یریم مونسیم اه و نوادی
بولوسن عمّه وین غصّه دن قلبی یارادی
توکمه عذاره…….
.
.
سیخلان قلبوی قوی بو داغلی سینم اوسته
باسارام باغریما جانکیمی ای دل شکسته
دوگولوب یاسلی سان اولما بو شیونله خسته
توکمه عذاره…….
.
.
قویما حسرتله دیواره بو نیلی جمالون
ویرما اود قلبیمه قوی سیلیم اشک ملالون
آغلادار سنگدل دشمنی بو وضع خالون
توکمه عذاره…….
.
.
قابار ایاقلارون آغلیوب ویرمه نشانه
قویما قاتسون آنان خون دل اشک روانه
سوروشوب قارداشون باغریمی دوندرمه قانه
توکمه عذاره…….
.
.
سفر اوسته بالا گور روادی وای دیورسن
چکورم نازیوی غملنوب ایوای دیورسن
هانی اصغر منی آغلادوب لایلای دیورسن
توکمه عذاره…….
.
.
قویما بوینون بیله چیگنیوه چیخما اوزوندن
قویمازعمّن کناره سنی بیر آن گوزوندن
دولانیم باشیوه گل اُپوم سولموش یوزوندن
توکمه عذاره…….
.
.
رهبر خاصّ اولان سلسله قرآنیانه
گتیمز داغ کیمی دردینی بیر دم بیانه
حقّون اثبات اولا سعی ایله اهل جهانه
توکمه عذاره…….
.
.
خوش دگول وحی منزل اولان بیر خاندانه
دین یولوندا یته غم گله سن تک فغانه
تیترر عرش خدا آغلوسان سن یانه یانه
توکمه عذاره…….
.
.
سیلی شمریدن دوشموسن سوزو گدازه
آرتوروب ایپ کسن قولّلارون رونق نمازه
نهضتینده شریک اولموسان شاه حجازه
توکمه عذاره…….
.
.
بو اسارتله غربتده سن فخر زنانسان
طلعتون نوریدی سویگلوم شیرین زبانسان
صغر سنّیله دشمنین قصرین یخانسان
توکمه عذاره…….
.
.
شعریوه (مبکیا ) دوزقاتوب شاه شهیدان
سالدی بوغملی سوزجانیمه بیرنارسوزان
(عدلی) ایسترسیزی حشریده زهرایه مهمان
مثل آتاییدون من نوجوانه
نوحه ویرردون هرنوحه خوانه
.
.
.
#حضرت_رقیه_مبکی_تبریزی
#حضرت_رقیه_شهادت
#ای_سالان_شور_غم_نسگلی_کون_و_مکانه
#ترکی
.
✍️ #زبدةالاشعار ✍️
.
🆔: @nohe_torki
نظر دهید