تعریف شخصیت حضرت زینب کبری سلام الله علیها
اشاره به پرستاری وایثارشان درنهضت #عاشورا
.
✍️ زبدة الاشعار ✍️
.
🆔: @nohe_torki
.
علیرضا عباسی (احسان تبریزی)
.
کنز شرفه گوهر شهواریدی زینب
فخر نسب احمد مختار یدی زینب
حیدر صفت و فاطمه رفتار یدی زینب
تندیس حیا مظهر ایثاریدی زینب
گلزار وفاده گل بی خاریدی زینب
.
.
زینب نئجه زینبدی آدی شور محافل
هم عابده هم عالمه دی بحر فضایل
زیبا آدیدور دهریده حلّال مشاکل
حاتم لر اولوب درگه احسانینه سائل
صاحب کرم و غیرته معیاریدی زینب
.
.
عشقین اله گلدی او گون عالمده مرادی
گوز آچدی جهانه بو خانم پنج جمادی
سسلندی گوزه ل آدینی گویلرده منادی
یازدی آدینی زین اَب حقین کی مدادی
عالم بیله تا حیدره اوخشاریدی زینب
.
.
بیر ایش گوروب اولّده هامی بهتیده قالدی
گوز آچمادی هی ناله سی افلاکه اوجالدی
قارداشی حسینین ائله کی عطرینی آلدی
قولارینی قالخزدی اونون بوینونا سالدی
قارداشینه عشق عالمی دلداریدی زینب
.
.
عمری بو جهاندا یازیلوب الی بئش ایلدی
بئش ایل بو خانم دهریده خوش گون دادی بیلدی
اللی ایلی گوز یاشی توکوب صورته سیلدی
بو مدتی مین یول دیرم ئولدی دیریلدی
دام غمه عالمده گرفتاریدی زینب
.
.
صیاد قضا عالمه ی آل عبایه
طرح ایلدی برنامه سالوب دام بلایه
چکدی آپاروب محنتیله کرب وبلایه
ناظر ائلدی نهضت شاه شهدایه
اول نهضته چون حافظ اسراریدی زینب
.
.
اولدم کی مقابل دایانوب حقیله باطل
حقین یولونی سدّ ائلدی فرقه ی جاهل
عشق و شرف و عاطفیه اولدولا قاتل
آز قالدی قانا غرق اولا شاهنشه عادل
بی یاریدی سلطانه فقط یاریدی زینب
.
.
شاه شهدا خواهرینه قیلدی وصیت
موکولیدی مندن صورا باجی سنه نهضت
اهدافیمی پامال اولا قویما ائله همت
قالدی سنون امیدیوه بو قورخولی عترت
یار اول بولارین دیده سی خونباریدی زینب
.
.
عرض ائتدی اخا غم یئمه غم خوار اولارام من
یاتماز بو گوزوم هر گئجه بیدار اولارام من
بیمار اولانا یار و پرستار اولارام من
هم نهضته هم عترتیوه یار اولارام من
گر چه اوزی بی یار وهواداریدی زینب
.
.
شاه شهدا سینه سی ظلمیله سوکولدی
اول دیلده کی قان خون خدائیدی توکولدی
قدی خانمین بو غم عظماده بوکولدی
قارداشی ئولوب دشمنی اخیامه توکولدی
دلگیریدی اول لحظه دل آزاریدی زینب
.
.
یوخ یار و هواداری قوشون خیمیه دولدی
الله اوزی عالمدی اوساعت نلر اولدی
حورالر آچوب باشینی جناتیده یولدی
اوت ووردولا اخیامه جنان گوللری سولدی
بو مسئله دن زار ودل افکاریدی زینب
.
.
شعله اوجالوب قاچدی چوله آل رسالت
زهرا قیزینا اولدی او اثناده قیامت
گوردی اوت ایچینده قالوب اول حقیدن آیت
اوتدان قوتاروب عصرین امامین او سلامت
باخ همتینه گور نه فداکاریدی زینب
.
.
غارت ائلدی خیمه لری اهل ضلالت
اهل حرمه قالمادی خیمه نده زینت
قیزلاری یغوب باشه خانم ایلدی همت
اولدوزلارینی جمع ائلیب تا مه عصمت
دلخسته لره یار وپرستاریدی زینب
.
.
زینبدن آلا درسینی لازمدی پرستار
درمانده لره اولدی نه نوعی گوره لر یار
باغلوردی یاراسین چوخودی زخمی وبیمار
بیر عالم اوره ک ده غمی معبوده سزاوار
سجده ائلدی گر غمی بسیاریدی زینب
.
.
آچدی اسرا نین باشنا شهپر همت
قولاری اولوبدور اولارا چتر حمایت
اولدوزلارینی حفظ ائلدی اول مه عصمت
هم کوفه ده هم شامیده اول معدن غیرت
اطفاله معین دینه علمداریدی زینب
.
.
خوار ایلدی نطقیله خانم ام فسادی
رسوا ائلدی کوفه ده تا ابن زیادی
جلادین الیندن قوتاریب زین العبادی
تیغ سخنیله ائلیب عالی جهادی
منطقده اینان حیدر کراریدی زینب
.
.
جان فکرینی حقه گوره او باشدان آتوبدی
نطقین دن اونون بیرق ظلام یاتوبدی
بوندان شهدا نهضتی رجحانه چاتوبدی
دشمن گوزونه منطق اوخون بیر یول آتوبدی
چون صاحب بیر نطق شررباریدی زینب
.
.
#زینبیه_مدح
#زینبیه_میلادیه
#کنز_شرفه_گوهر_شهواریدی_زینب
#علیرضا_عباسی
#ترکی
.
✍️ #زبدةالاشعار ✍️
.
🆔: @nohe_torki
نظر دهید