کنز معرفت گوهر شرف افتخار خلقتدی فاطمه #فاطمیه_نوروزی_نوین

درحالات حضرت زهرا(س)
..
..
..
..
..
علی نوروزی نوین
..
..
..
..
..
کَنز معرفت گوهر شرف افتخار خلقتدی فاطمه
نیّرسپهر جلالیدور جلوه جلالتدی فاطمه
..
..
..
..
..
نوری نور حیّ وَدودیدور مشعل عفافه وئرن ضیا
نُزهَت بهشت ولائیدور گلستان دینه بودور صفا
خاک کویون ایلر ملائکه افتخاریله چشمَ توتیا
یادگارختم پیمبران عالمینه زینتدی فاطمه
..
..
..
..
..
بابی باب امّید ولطفدی آستانی مَسجود جبرئیل
شأن وجاهی مافوق درکدور خلقتی اولوب خلقته دلیل
طاهریدی صدیقه مرضیه هر مراتب وفضلی بی بدیل
اُون بیر حجت خلق عالمه قیل یقین که حجتدی فاطمه
..
..
..
..
..
یوخ قلمده طاقت که شرح ائده کیم پاره قلب مصطفا
کفی اولمازیدی بو دهریده اولماسیدی عالمده مرتضا
باخ علیده کی عزّته خانیم جانینی اونا ایلدی فدا
ثابت ایلیوب اهل عالمه کُشتۀ ولایتدی فاطمه
..
..
..
..
..
اوندا کی یانوب اوتدا درگهی پاسبان اولوبدور امامته
خدشه یتمسین ایستیوب اوگون تا حریم قدس ولایته
زوریله آچیلدی یانان قاپی باعث اولدی کاری جراحته
او جراحت کاری ایمدیده مایۀ مصیبتدی فاطمه
..
..
..
..
..
اعتذار ایا صاحب الزمان ای بتول عذاریه تک اَمَل(1)
بولمورم نه علّتدی یتمدی انتظام بو عالمه خِلَل
گوهر ثمین پیمبری سیندیروبدی بو فرقه دَغل
باخمیوبله خلقت اساسینه تاروپود و علّتدی فاطمه
..
..
..
..
..
ماجرای مسمار حدیث در،شرح آیۀ عشقدور بلی
وای اولا که شرح بو آیه نی قانیله یازوب فاطمه ولی
گوردی کی آدامسیزدی مرتضا سسلنوبدی لبیک یاعلی
ایلیوب مُبَرهَن بو عالمه حامیِ امامتدی فاطمه
..
..
..
..
..
بستری اوگوندن اولوب خانیم گون به گون وجودین اَریتدی غم
نقشه جمالین پوزوب محن قلب زارینی دولدوروب اَلم
بضعة النبی جانینه دویوب عرض ائدردی ای حی ذوالکرم
عمرومی قوتار جانه دویموشام غرق بحر محنتدی فاطمه
..
..
..
..
..
گون او گون اولوب ائتدیقی دعا تا قرین اولوبدور اجابته
عزم کوی یار ایلیور خانیم عالمی سالور درد ومحنته
گوز یاشی توکردی ملائکه مرتضاده کی حال رِقّته
قلب مرتضایه بولوردولر چون که تاب وطاقتدی فاطمه
..
..
..
..
..
باشینی دیز اوسته آلوب علی گوزیاشی آخور گل جمالینه
فاطمه گهی گوزلرین یومور اود سالور دل پر ملالینه
گوز آچور گورور آغلیور علی خون دل قاتور اشگ آلینه
سسلدی عم اوغلی چوخ آغلاما بزم یاره دعوتدی فاطمه
..
..
..
..
..
ایستیوب تسلی وئره خانیم قلب مرتضایه او حالیله
قوزادی قولون گوز یاشین سیله منتهای درد وملالیله
قاخمادی قولی مرتضا بولوب باشینی اَگوب انفعالیله
سسلنوبدی سَندنده مرتضا گور نجه خجالتدی فاطمه
..
..
..
..
..
سن منیم یولومدا بو حالته دوشموسن ایا بانوی کبار
واقفم وجودون یارالیدی ایلرم اُودی بیله آه وزار
چاره یوخ مشیّت بیله دوشوب ای حبیبۀ ذات کردگار
وئرمه چوخ تکان بو سینان قولا باعث اذیّتدی فاطمه
..
..
..
..
..
عارض جمالون ایله سولوب بنذوسن سولان بیر گله خانیم
سن امیدیدون قلب زاریمه قلبیمی منیم شاد ایله خانیم
یوما گوزلرون گَل دیله دانیش شایقم اینان او دیله خانیم
اود سالان دل و جانیمه منیم درد ورنج فرقتدی فاطمه
..
..
..
..
..
ایمدی که خیال سفر وارون گل بو دمده رفع ملال ایله
گرچه سونمین اوتدی بو شرر رفع محنت و ابتهال ایله
حقیمی حلال ایلدیم سنه مرتضانی سنده حلال ایله
آیریلیق شراری الولانور قلبیده قیامتدی فاطمه
..
..
..
..
..
بیکسم بولورسن بو شهریده دلفکار مغمومدور علی
ای یگانه غمخوارویاوریم گورنه نوعی مهمومدور علی
غصه دن گلوگیر ودلغمین باغریقاندی مظلومدور علی
سن اوزونده بیر دلشکسته سن نیلیاخ مشیّتدی فاطمه
..
..
..
..
..
دل رضای حقه وئرن(نوین)صبر ائدوب دوزَر هر مصیبته
بی وفا و فانیدی بو جهان سالما چوخ اوزون درد ومحنته
درگهِ بتولی رَجاء بولوب تیک گوزون فقط باب رحمته
سویله آل طاهایه نیّتیم صدق اوزیله خدمتدی فاطمه
..
..
..
..
..
(1) امل :امید و آرزو