کوفیه زینب گیدور الان آنا یا فاطمه #کوچ_کربلا_محمدی_ناطق

کوچ از کربلا
.
#زبدةالاشعار
.
: @nohe_torki
.
محسن محمدی هشترودی ( ناطقی )
.
کوفیه زینب گیدور الان آنا یا فاطمه
جانم اولسون جانوه قربان آنا یا فاطمه
زینبون آغلار قالوب
سینه سی داغلار قالوب
.
.
مسلخ عشاقیده عریان قالیبدور قارداشیم
زینب مظلومه نی گوزدن سالیبدور قارداشیم
طاقت و آراممی الدن آلیبدور قارداشیم
درد بی درمانلارا درمان آنا یا فاطمه
.
.
بنزیور اوراق اولان قرآنه باش سیز پیکری
یاره لی اعضا قان ایچره توپراق اولموش بستری
قلبمی قان ایلیور مذبوح اولونموش حنجری
آز قالور عمروم تاپا پایان آنا یا فاطمه
.
.
عندلیب غم قونور گولدن گوله آواره دی
بهره مند اولماخ دگل ممکن گولون صد پاره دی
قوملار اوسته گول بدن باشدانباشا بس یاره دی
نیزه لر ، اوخلار ایدوب شأن شأن آنا یا فاطمه
.
.
چاره می دشمن کسیبدور غصّه لر آماجییم
آشنالردن خبر یوخ اهل دل محتاجییم
ئللریم الدن گیدوب حالی پریشان باجییم
درد و غم رنجی دگل آسان آنا یا فاطمه
.
.
باخگلان کرب و بلا دشتی قیزل قاندور آنا
پیکری باش سیز حسینون قانه غلطاندورآنا
گون ائوینده بی کفن دور جسمی عریاندور آنا
گور نه احواله سالوب بحران آنا یا فاطمه
.
.
قیزلارون اعدا کسیبدور ظلم الیله چاره سین
قمچی ضربیله آلوبلار خالخالو گوشواره سین
غارت ایلوبلر بو چولده اصغرون گهواره سین
خیمه و خرگاه اولوب تالان آنا یا فاطمه
.
.
تشنه لب ئولدور دیلر مظلوم اولان قارداشمی
دشمنان دین قاتوب خون دله گوز یاشمی
کوفیان بی حیا سالدی بلایه باشمی
ویرموری مهلت بیزه عدوان آنا یا فاطمه
.
.
بو بلالی کربلاده قویموری اعدا قالام
لا اقلاً ورطة طوفانیده لنگر سالام
دفن ایدم قارداشمی اولادینون گوگلون آلام
چوخ چتیندور زینبه هجران آنا یا فاطمه
.
.
قتلگهده بو خانم اهل ولانی آغلادوب
وای حسینیم وای دینده قدسیانی آغلادوب
“ ناطقا “ زهرا بالاسی دشمنانی آغلادوب
عرض ایدوب یوخ قالماقا امکان آنا یا فاطمه
.
.
#کوچ_کربلا_محمدی_ناطق
#کوفیه_زینب_گیدور_الان_آنا_یافاطمه
#ترکی
.
#زبدةالاشعار
.
: @nohe_torki