اتمام حجت امام حسین (ع) با قوم کافر
.
.
<strong>مرحوم عندلیب اردبیلی</strong>
.
.
دوتوب او سرور دین سبط احمد مختار
یوزینی لشکر اعدایه ایلیوب گفتار
.
نشان ویروب اوزینی اونلارا ایدوب حجّت
بویوردی ای منی ناحقّه ئولدورن ملت
.
سیزیله هر سوزی اتمام حجّت ایلمیشم
دیون صریح سیزه ای اهل کوفه نیلمیشم
.
آلوبسوز اللروزه تیر و خنجر و پیکان
حیا یوخوزدی مگر بو قدر توکرسوز قان
.
جزاده حضرت زهرایه نه جوابوز وار
او گونکه گون که یاخوزدان پیمبر اوغلی دوتار
.
کسوبسوز آب فراتی سوسوزدی اهل و عیال
حرام اولوب بیزه بیلمم ندندی آب زلال
.
شریعت نبویدن کناره گیتمه میشم
سیزه حلال اولانی من حرام ایتمه میشم
.
منی بو چولده ندن خارجی حساب ایلدوز
بنات حضرت زهرایه منع آب ایلدوز
.
عبث گمانه دوشوبسوز که خارجی نسبم
آنام بابام نُجبای عرب اؤزوم عربم
.
پیمبر اوغلى اؤزوم کان مایکونه امام
منیم قاپومدا ملکلر دوروب ایده لّه سلام
.
گلون حیا ایلیون بیر قدر پیمبردن
ویرون سو بیزلره قورخون خدای اکبردن
.
قبول ایلمه سوز ویرمه سوز سو اطفاله
گلون ترحّم ایدون یول ویرون بو اطفاله
.
دوتوم بولارون الیندن علاج و چاره ایدوم
فرنگ و رومه و یا سمت زنگباره گیدوم
.
نه سیزده واردی مروّت نه شرم وار نه حیا
که مین نفر ایلیه بیر غریبیلن دعوا
.
اگر بونیدا قبول ائتمه سوز ایدون انصاف
منیله بیر بیر ایدون سیز بو ایستی گونده مصاف
.
قوشون بویوکلری دیلّندی بیله ویردی جواب
اگر دوتا هامی سو یر یوزین روان اولا آب
.
ازلده قول و قراری تمام ایلمیشوک
سنه سو ویرمگی یکسر حرام ایلمیشوک
.
یزید امریدی بو چولده ظلم اساسی قوراق
کسوب سوسوز باشوی شامه دین جدایه وراق
.
اولوب بو سوزلره مأیوس شاه تشنه جگر
غریب لیگ ایلدی اول غریب امامه اثر
.
یوزین بقیعه دوتوب سسلدی آنا زهرا
هایاندا قالدی گلوب حالیمه یانا زهرا
.
بو آه و ناله لرون «عندلیب» ترک ایتمه
دخیل دوش بولارا کور محشره گتمه
.
.
.
#حسینیه #عندلیب_اردبیلی #حسینیه_شهادت #ترکی #زبدةالاشعار
#حسینیه_اتمام_حجت #دوتوب_او_سرور_دین_سبط_احمد_مختار
نظر دهید