کوچوبدی فصل دی گنه بهار باصفا گلور #حسینیه_غفاری_زنجانی

ولادت امام حسین علیه السلام
#گریز به شهادت
..
..
..
..
حاج اکبر غفاری زنجانی
..
..
..
..
کوچوبدی فصل دی گنه بهار باصفا گلور
باتوبدی باد صرصری نسیم جانفزا گلور
..
دوزولدی برگ مخمله مثال درّ، ژاله لر
مشامه عطر یاسمن ،هوای دلگشا گلور
..
گل اوسته مرغ خوش نوا اوخور ترانهٔ بهار
که نای هر هزاره دن صدای دلربا گلور
..
سالوبدی فرش سبزه دن یره خدای ذوالجلال
یقین بو فرشین اوستونه حبیب کبریا گلور
..
حسینیان بهاریدن مرادیمیز حسیندور
بهاریدنده با صفا عزیز مرتضی گلور
..
اولوبدی شاد خاکیان ، دیلّه جمله عرشیان
بشارت ای حسینیان چراغ رهنما گلور
..
طلوع ایدوبدی گون کیمی بو گون عزیز فاطمه
جمال تابناکیدن بو عالمه جلا گلور
..
مقربین حق اونون گلولّه دست بوسینه
دیه رسوله تهنیت، ملائک سما گلور
..
دوشوبدی بیر جزیره ده او فطرس نکو سیر
دیردی ای خدا هاچان بو دردیمه دوا گلور
..
گوروبدی فوج فوج اَنور ملائک آسمانیدن
اولوبدی جبرئیل همان گروهه رهنما گلور
..
دیدی نه یوز ویروب مگر دوشوب داخی نه اتفاق
بو گون یره نزول ایدور که رحمت خدا گلور
..
دییوبله بیلموسن مگر بو اتفاق اعظمی
تاپور توّلد ایندی بو جهانه بیر بالا گلور
..
ایدوب خدای ذوالجلال اونی عطا محمده
آدی حسینیدور اونون، امیر اتقیا گلور
..
دیدی کمک ایدون‌ منه سلام ایدوم حضورینه
اونی زیارت ایلسم بو دردیمه شفا گلور
..
گلوب وراردی شهپرین اودم او پاک قنداقا
گوروبدی که اونا گوره بلا گیدور عطا گلور
..
غرض او پاک قنداقی یتوردولر پیمبره
حسینی رویت ایلسون جناب مصطفی گلور
..
آلوب قوجاقه گوئیا بویوردی ختم الانبیا
حسینمه محبتیم بو قلبده بجا گلور
..
دیردی سر نوشتنی حسیننون جماعته
او خاطر شریفنه اسفلی ماجرا گلور
..
دیردی بو حسینمون یانقلی ماجراسی وار
بو خاطر حزینمه زمین کربلا گلور
..
حسیندی کشتی نجات ،چراغ دور هدایته
حسیندن اهل عالمه نجات برملا گلور
..
دوشوبدی یادیمه منیم حسینمون او ساعتی
دوشر طلاطمه جهان نوایه نه سما گلور
..
پیمبر اوغلونی یخوب شریحین حکمی مقتله
او حکم ضد دیندن خیانت و جفا گلور
..
امام قتلینی بیلوب فریضه فرقۀ جهول
شریح جیره خواریدن او قومه مرحبا گلور
..
عزیز فاطمه دوشوب سوسوز یارالی مقتله
دوداقلاریندا ذکری بو صدای ربنا گلور
..
دیردی دینیم اوسته دی بو قدر یاریه خوشام
باشیما اولموشام رضا نقدر ابتلا گلور
..
گهی دیردی شمره یوم گوزون حیا و شرم ایله
باجیم چخوب خیامدن گوزومی باغلیا گلور
..
اله آلوبدی معجرین گوزونده اشک محنتی
قاچور بو قانلی مقتله دیلینده وا اخا گلور
..
دیور هایانداسان حسین گلور خیامه کوفیان
هارا گیداخ بو دشتده امیدیموز هارا گلور
..
یامان گونومدی یا حسین چاقور امیر لشکری
گوروم که دادیمه منیم اوصاحب لوا گلور
..
بو نازدانه قیزلارین اماندی قورخو گورمیوب
بلالی باشلارا یقین بو قورخودان بلا گلور
..
..
..
..
#حسینیه #غفاری_زنجانی #حسینیه_میلادیه #ترکی #زبدةالاشعار