زبدةالاشعار

ای اولان دشت بلاده اولین قربان عشق #اکبریه

زبانحال خانم لیلا در بالین حضرت علی اکبر علیه السلام
.
✍️ زبدة الاشعار ✍️

?: @nohe_torki
.
محمدرضاصادقی
.
ای اولان دشت بلاده اولین قربان عشق
آچ گوزون لیلانی مجنون ایلمه ای جان عشق

.
آیرلاندا خیمه گهدن من سنه دل داغلادیم
سن قدم آتدوقجا میدانه علی من آغلادیم
رشته امیدیمی تکجه خدایه باغلادیم
بارالها من دئدیم قویما اولام حیران عشق

.
یوز دوتوب درگاهینه آچدیم دعایه تا لبی
دعوت ائتدیم مجلس آمینه گلسون زینبی
تا دئدیم قیتر بالامی بولدی قیزلار مطلبی
چکدیلر آمین او دم طفلان سرگردان عشق

.
سن میننده مرکبه باخدوم او نازلی قامته
دوشدی جانیم لرزیه قالدیم بیر آیری حالته
گل دچار ائتمه دئدیم یارب بالامی آفته
اهل بیتی ایلدیم بو سوزده من نالان عشق

متن پیشنهادی:  عم اوغلی کشتی عمروم دوشوب طوفانه حیف اولسون #فاطمیه_هدایت_تبریزی

.
رزمگهده تا دئدون سن قل هو الله احد
صوتیوی اول دم ائشیتدی گویده الله الصمد
وار یقینیم غیبیدن گلدی سنه ناگه مدد
مرکز میدانه سالدون آیری بیر طوفان عشق

.
من دئدیم فاتح اولوب ایمدی گلر لیلاسینه
شکر اولا لیلا یتیشدی خیمه ده رویاسینه
گئچمدی بیر آز زمان غم گلدی آل یاسینه
گوردوم عازم اولدی میدانه علی ، سلطان عشق

.
بولدوم اعدا دوغریوب ظلمیله گل تک پیکری
عالم معناده چکدی کربلایه حیدری
هم بو غمده یاندیروب زهرانی هم پیغمبری
سسلدی ایوای علی اولدی آتان گریان عشق

.
دوشدی سس اکبر گلور چئخسونلار استقبالینه
بیرده لیلایه دیون خط چکسون اوز آمالینه
قویمیون بیرده گوزی دوشسون یوزونده خالینه
یوز گوزون گورسه اولار حشره کیمی سوزان عشق

متن پیشنهادی:  ای اولان محراب ایچینده قانینه غلتان علی جان #حیدریه_حضرتی_ناعمی

.
نعشیوی گوردوم عباده گتدی شاه کربلا
سسلدی گل زینبیم اولدی بالام غمدن رها
گئت گتور لیلانی اما قویما گورسون برملا
دوغرانوب بولدوم اولوبسان قانیوه غلطان عشق

.
کیم گوروب یوز دوندرر بیردن تانیشلاردان تانیش
کوسموسن آیا آناندان آچ گوزون گل بیر باریش
ایمدی که اکبر گلوبسن گل دیله منلن دانیش
ائتمه لیلانی بو چولده بی سرو سامان عشق

.
رد ایله یوزدن عبانی قوم گوروم مه صورتی
وئرمه باده چکدیقیم اون سگز ایلده زحمتی
بیر بئله یالوارماقون وار خواهشا بیر علتی
لحن داوودیله گل بیرده اوخی قرآن عشق

متن پیشنهادی:  ای آدین قربان اَیا موسی الرّضا جان الدّخیل #رضویه_رضوی_زنجانی

.
آیه آیه سن اوخی تا جان آلوم من تازه دن
ای چیخاردان پیکرون شمشیریلر شیرازه دن
ایستیرم بو صوتیدن بو لحن و بو آوازه دن
یادگار اولسون آنان لیلایه بو عنوان عشق

.
دوزدی آدیم لیلیدور اما بالا مجنونیوم
گرچه قالدی محشره دیداریمیز محزونیوم
لیک علی اکبر بو بابتدن سنون ممنونیوم
ایلدون زهرا حضورینده منی شادان عشق

.
روز و شب ، بوندان صورا اولدی علی یلدا منه
نیلمیشدیم هجریوی بولدی روا اعدا منه
لطف ایله هدیه وئروب بو نوحه نی « شیدا » منه
سنده دعوت ایله اولسون قبریوه مهمان عشق
.
#سبک_زینبم_جان_اوستیم (4سبک)

.

#اکبریه_شهادت
#کوچ_کربلا
#ای_اولان_دشت_بلاده_اولین_قربان_عشق
#محمدرضاصادقی
#ترکی
.
✍️ #زبدةالاشعار ✍️

?: @nohe_torki

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی