دایان ای ساربان ساخلا قطاری #راه_شام_خوندل_تبریزی

راه شام
..
..
مرحوم خوندل تبریزی
..
..
دایان ای ساربان ساخلا قطاری
قالوب چولده حسینون یادگاری
..
..
گرگ بو کاروان یکسر دایانسون
توقّف ایلسون لشکر دایانسون
بو چولده آل پیغمبر دایانسون
تاپولسون گوگلمون صبر و قراری
..
..
عبث اولمور سرشگیم قان بو چولده
گوزوم یاشی ایدر طوفان بو چولده
قالان وار خوردا قیزلاردان بو چولده
اودور عرشه یتورّم آه و زاری
..
..
نه تک وار منده بو امره اراده
بیر اوزگه شور وار آل عباده
دوروب شه باشیده نوک جداده
منیم تک وار اونوندا انتظاری
..
..
بالام تا گلمیوب بو یرده دوررام
تماماً کاروانی لنگه وورام
آنام زهرا کیمی بیر حشر قوررام
بلای حق دوتار قوم شراری
..
..
توکوب گوز یاشیمی ای قوم کافر
گل آلود ایلرم بو دشتی یکسر
قالار رفتاردن آخربو لشگر
دایاندوررام سپاه کین شعاری
..
..
بو قیزلاردور حریم ناز و عصمت
وظیفمدور ایدم هر نوع خدمت
حسینیم تاپشوروپ تک تک امانت
گوزومده ساخلارام هر گلعذاری
..
..
دگل بیخود بو فریاد و فغانیم
آخور رخساریمه اشک روانیم
بو چولده قالسا گر آرام جانیم
جهانی یاندورار آهیم شراری
..
..
زبس زینب سوزینده ایتدی اصرار
دایاندی ناقه لر هم دوردی اشرار
امیر قافله اولدی خبردار
اسیر عورتده گور بیر اقتداری
..
..
#راه_شام #خوندل_تبریزی #ترکی #زبدةالاشعار