مدح و میلادیه حضرت امام محمد باقر (ع)
.
✍️ #زبدةالاشعار ✍️
.
🆔: @nohe_torki
.
مرحوم عاصم زنجانی
.
کیمدور برای حوزۀ دین، باقر العلوم
غیر از امام اهل یقین، باقرالعلوم
.
.
همنام جدّی اسمی محمّد دور اول وجود
وصف کمالینه نه تعیّن نه بیر حدود
تعظیم بو خدیوه گوره آنلاسون حسود
ایتدیله آدمه ملکِ نُه سما سجود
اسلام اوچوندی رکن رکین باقرالعلوم
.
.
دایم خدای لم یزله متّکیّ دور
دارندۀ تمام صفات نبیّ دور
حاویّ جمله سیرت ذات علیّ دور
پیغمبرین وصی لرینه حق وصیّ دور
مخلوق اوچوندی حبل متین باقرالعلوم
.
.
پنجم امام ما خلق اللّهدور بو شاه
ششم ولیّ حقدی بو سلطان عرش جاه
ایتدی رجب آیندا تجلی رخی چو ماه
اثنی عشر کریمه سی دی شأننه گواه
قرآنلندی چونکه قرین باقرالعلوم
.
.
بو شه یانندا دور همه ی علم اولین
بیر کلمه دور دوشونده هامی علم آخرین
هر علم واردی کونده بی وزن یا وزین
کشف ایلیوبدی اونلاری با نطق آتشین
مخلوق اوچوندی حبل متین باقرالعلوم
.
.
ویردی کلام دین خداونده تازه روح
تاپدی حیات پیکر اسلام پرفتوح
گرچه آز اولدی تابعی مانند قوم نوح
لیکن یولون نشیب و فرازین ایدوب سطوح
پاک ایتدی فقه رهگذرین باقرالعلوم
.
.
اسرار خلقتی بیله کشف ایتدی عالمه
غیبی شهود تک ایلیوبدور مجسمه
گوستردی نفس الامر بریّاتی عالمه
جنگ یقین و شکّ تاپوب صلح و خاتمه
ایتدی علوم دینی وزین باقرالعلوم
.
.
ویردی بهشت و دوزخ اعرافدن خبر
طوریکه گورسنوب علناً جنت و سقر
بیلدی حقیقتیله مجازی ندور بشر
یعنی خواص آنلادی معنای مختصر
ایتدی اولاری صدرنشین باقرالعلوم
.
.
امرنده دور ملائک و جن و طیور و وحش
بیر سنگ آستانه سیدور کنگرات عرش
خوانِ عطاسدی کرۀ بو زمینِ فرش
فیض وجودینی بیله ایلوبدی ارضه فرش
قیلدی زمینی آیری زمین باقرالعلوم
.
.
دریای قدرتنده بو خورشید دور سمک
تعظیم ایدلّه درگهینه هر نه وار فلک
جبرئیل، رتبه سین تاپاگرجمله ملک
خادمدیلر بو سروره قاره غلام تک
روح الامینی ایتموش امین باقرالعلوم
.
.
«عاصم» گر اولموسان هله مفتون مَهلِسَن
بو مهلتون وظیفه سنی سایما سهل سن
بیر عمردور که غرق لجنزار جهلسن
دوت دامن بو خسروی گر علمه اهلسن
زایل ایدر تمام غمین باقرالعلوم
.
.
#باقریه_عاصم_زنجانی
#باقریه_میلادیه #باقریه_مدح
#کیمدور_برای_حوزۀ_دین_باقرالعلوم
#ترکی
.
✍️ #زبدةالاشعار ✍️
.
🆔: @nohe_torki
نظر دهید